வாழ்வே பேரானந்தம்

ரபேல் நடால்

2011-06-07T01:05:00.000+05:30

ரபேல் நடால் பிரெஞ்சு ஓபன் பட்டத்தை ஆறாவது முறையாக வெல்கிறார். நடால், பெடரர் எப்போது மோதினாலும் பெடரர் Fan என்பதை தாண்டி நடாலே வெற்றி பெற மனம் கேட்கும் .

2005 , கல்லூரியின் கடைசி வருடத்தில் CTS , Campus Interview வந்திருந்தார்கள்.நாலு வருடங்களில் படித்ததை ஒரு இரவில் FAQ ல் மேய்ந்து ,காலையில் செய்தி தாளின் முதல் பக்கத்தை புரட்டி விட்டு சென்றேன். எனது பெயர் அழைத்தார்கள்.

என்னை அறிமுகப்படுத்தி விட்டு கேள்வி கேட்பவரும் அறிமுக படுத்திக்கொண்டார்.

"இன்னைக்கு பேப்பர் படித்தாயா" என்றார்.
"யெஸ் சார்," என்றேன்
"என்ன தலைப்பு செய்தி "
"நடால் பிரெஞ்சு ஓபன் வென்றிருக்கிறார்"
"யாரது நடால்?"
"19 வயது ஸ்பெயின் வீரர் "

பின் கொஞ்சம் டெக்னிகல் கேள்விகளை கேட்டு பின் அடுத்த நாள் CTS Selected லிஸ்டில் எனது பெயரை அறிவித்தார்கள் .

எப்போதும் நடால், பெடரர் மோதினாலும் பெடரர் Fan என்பதை தாண்டி நடாலே வெற்றி பெற மனம் கேட்கும் .

திராவிட இலக்கியம்

2011-03-09T00:45:00.000+05:30

பின் இரவு. நாலு ரவுண்டு உள்ளே போயிருந்தது. மச்சானுக்கு போதை ஏறும் போதெல்லாம் இலக்கியம் மீதான காதல் தலைக்கேறி விடும்.தொல்காப்பியன் முதல் பாரதி வரை பேசி பேசியே மட்டையாகி விடுவான்.

"தமிழ் இலக்கியத்துலே திராவிட இலக்கியம் என்னனு சொல்லு பாப்போம்"

"நீனே சொல்லு"

"சிலப்பதிகாரம் " என்றான் மச்சான்

"எப்படி ?"

" தொல்காப்பியன் லேருந்து வள்ளுவன் வரை கடவுளை வாழ்த்தி விட்டு தான் எழுத ஆரம்பிச்சு இருக்காங்க.ஆனா இளங்கோவடிகள் தான் சூரியன் தொழுது ஆரம்பிக்கிறார்.
"ஞாயிறு போற்றுதும் ஞாயிறு போற்றுதுமே
மாமழை போற்றுதும் மாமழை போற்றுதுமே " .சூரியன் இல்லேன்னா உலகமில்லை,மழை இல்லேன்னா உயிரில்லை.lovely இளங்கோ "

"டேய் எழுந்திரிடா..வழக்கம் போல மட்டையாகிட்டியா?"

---------------------------0--------------------------------

சில வருடங்களுக்கு முன் உதவி இயக்குனராக அலைந்த காலம்.

"உதவி இயக்குனரா ஆனா எந்த இயக்குநர்கிட்டே சேருவாய்?" என்றான் நண்பன்.

"வெற்றி மாறன் இல்லே,மிஷ்கின் கிட்டே தான்" என்றேன் சிறிதும் யோசிக்காமல்

கடந்த வாரம் தான் ஆடுகளம் மற்றும் யுத்தம் செய் பார்த்தேன்.
மீண்டும் என் நண்பன் கேட்டால், உதவி இயக்குனராக இப்போதும் சேருவதாக இருந்தால் வெற்றிமாறன் மற்றும் மிஷ்கினிடம் தான் சேருவேன் என்பேன். அற்புதமான படைப்புகள்.

என்னமோ போங்க! நானும் இந்தியன் தான்!

2011-02-17T00:36:00.000+05:30

                கடந்த வாரம் பல வங்கிகளில் வாகனக் கடன் கோரியிருந்தேன். படிவம் வாங்கி, பக்கம் பக்கமாக கையெழுத்துக்கள் வாங்கி கடைசியாக CIBIL Defaulter ல் இருக்குறீர்கள் என கடன் மறுத்து விட்டார்கள் . அட பாவிகளா ! இல்லாத நிறுவனத்தின் பேர்ல 2G ஏலம் விடுறீங்க . 200 கோடி கடன் கொடுக்குறீங்க .ஒரு லக்ஷம்,ரெண்டு லக்ஷம் கோடின்னு ஊழல் பண்ணுறாங்க . வெறும் 20 ஆயிரம் ருபாய் கடன் கட்ட முடியாததற்கு CIBIL report , verification னு பீலா  விடுறீங்க .

வருமான வரி,சிபில்,கிபில் எல்லாம் நடுத்தர வர்க்கத்துக்கு மட்டும் தானா?

                          ---------------------0------------------------------

                     முகேஷ் அம்பானி தன் புதிய வீட்டின் மின்சார கட்டணம் எழுபது லட்சம் ரூபாய் . முகேஷ் அம்பானி, அவர் மனைவி மற்றும் மூன்று குழந்தைகள் உபயோகித்த மின் கட்டணம் இது. இதற்க்கு ஐம்பதாயிரம் தள்ளுபடிவேற, மின்சார சிக்கனம் இக்கணம். தண்ணீர் சேமிப்பு போன்ற கண்துடைப்பு பிரச்சாரம் எல்லாம் வெறும் குப்பன் சுப்பன் போன்ற சாமானியனுக்கு தானா ?

                            --------------------0-----------------------------

ஸ்பெக்ட்ரம் - மக்களுக்கு "வடை" போனது எப்படி?

2011-02-09T20:23:00.001+05:30

சமிபத்தில் இணையத்தில் பறந்து வந்த ஸ்பெக்ட்ரம் பற்றிய இந்த கட்டுரை எப்படி ஒவ்வொரு இந்தியனை பாதிக்கும் என்பதை அலசி ஆராய்கிறது. இனி பார்வைக்கு

நண்பர்களே!!!

தேசிய அவமானமான ஸ்பெக்ட்ரம் பற்றி நாம் அறிவோம், அதில் ஒண்ணேமுக்கால் லட்சம் கோடி ரூபாய் அளவுக்கெல்லாம் ஊழல் செய்யப்படவேயில்லை என்றெல்லாம் மக்களே பேச ஆரம்பித்துவிட்டனர். ராஜா கைது தான் செய்யப்பட்டாரே தவிர குற்றம் நிரூபிக்கப்படவில்லை, அதுவரை நாங்கள் அவரை அரவணைத்துக் காப்போம் என்கிறார் முதல்வர். இது தினம் ஒரு அறிக்கை வரும் தேர்தல் நேரம்,மக்கள் சிந்திக்க வேண்டிய காலம், அப்படி ஸ்பெக்ட்ரம் ஊழலில் மெய்யாகவே நடந்தது என்ன ?!!! என்பதை துபாயில் பணிபுரியும் சிவக்குமார் என்னும் பொறியாளர் அருமையாக ஆய்வு செய்து எழுதியுள்ளார், இது இப்போது இமெயிலில் வரத்துவங்கிவிட்டது, இனியேனும் நன்கு படித்தவர்கள் அவசியம் சிரமம் பாராமல் சிந்தித்து வாக்களித்து நாட்டைக்காக்கவேண்டும். அவசியம் இதைப்படித்துவிட்டு ஃபேஸ்புக், ஆர்குட், ட்விட்டர் தளங்களில் ஃபார்வர்டும் செய்யவும்.

மக்கள் அனைவரையும் இலவசங்களை மட்டுமே வாங்க தெரிந்த மாக்கான்கள் என்றே நினைத்து விட்டார் நம் முதல்வர். அதற்காகத்தான் தமிழ்நாட்டில் அனைவரும் குழந்தை பெற்றுகொள்கிறார்கள் என்று சொன்னாலும் ஆச்சரிய படுவதற்கு இல்லை. என்னது ஏழைகள் பயன்படுத்தும் அளவிற்கு குறைந்த விலையில் சேவையை கொண்டுவந்தது ராசாவா? மக்களே உண்மையை புரிந்து கொள்ளுங்கள். இந்த புளுகு மூட்டைகளின் பாவத்திற்கு ஆளாகாதீர்கள். விலை குறைந்ததிற்கான காரணத்தை இங்கு குறிப்பிடுகிறேன்.

1999 ஆண்டில் தான் தொலைதொடர்பு உரிமங்கள் வழங்க ஆரம்பிக்கபட்டது. அன்று வெறும் பணம் படைத்தவர்கள் மட்டுமே கைபேசியை பயன்படுத்தினர். எனவே நுகர்வோரின் எண்ணிக்கை மிக குறைவு. சில பல லட்சங்கள் மட்டுமே. தொழில் நுட்பவளமான 1G அல்லது 2G அலைக்கற்றைகள் மிக அதிக அளவில் அரசிடம் கையிருப்பு இருந்துள்ளது. ஆனால் உரிமம் வாங்க உலக அளவிலோ இந்திய அளவிலோ போட்டிகள் இல்லை. விலை கொடுத்து உரிமம் வாங்கியவர்கள் லாபம் பெற நுகர்வோரிடம் நிமிடத்திற்கு அதிக கட்டணம்(In coming and out going ) வசூல் செய்ய கட்டாயம் ஏற்பட்டது. இதில் கவனிக்க வேண்டிய இன்னொரு விஷயம் என்னவென்றால் நாம் தான் வசதி படைத்தவர்களாயிற்றே என்று இஷ்டத்திற்கு பேசி நேரத்தையோ பணத்தையோ அன்றைய வசதி படைத்தவர்கள் விரயம் செய்யவில்லை. குறைவான நேரத்துக்குதான் கைபேசியை பயன்படுத்தினர்.

நுகர்வோரின் எண்ணிக்கை குறைவாக இருந்ததால்தான் அன்று அலைகற்றை உரிமம் பெற அதிக நிறுவனங்கள் முன்வரவில்லை. இதை சரி செய்ய அன்றைய அரசு ஒரு தொலை தொடர்பு புரட்சியை உருவாக்க முயன்றது. விளைவு நாளுக்கு நாள் நுகர்வோரின் எண்ணிக்கை அதிகமானது. இன்றும் அதிகமாகி கொண்டே இருக்கிறது. 2010 நுகர்வோரின் எண்ணிக்கை சுமார் 60 கோடிக்கும் மேல். 2008 இல் 50 கோடிக்கும் மேல்.

இதற்கும் அதிகமான மக்கள் பயன்படுத்தும் அளவுக்கு போதிய அலைகற்றைகள் அரசிடம் இன்றும் உள்ளனர். ஆனால் பயன்படுத்துவோரின் எண்ணிக்கை வெறும் 60 கோடிதான். 122 தகுதி இல்லாத நிறுவனங்களுக்கு உரிமம் வழங்க பட்டுள்ளது. தகுதி என்றால் என்ன? போதிய அனுபவம், வங்கி காசோலை, வங்கி செக்யூரிட்டி டெபொசிட் அது மட்டும் இல்லை வாங்கியவுடன் குறிப்பிட்ட காலத்திற்குள் சேவையை தொடங்க வேண்டும். இந்த குறிப்பை நினைவில் வைத்து கொள்ளுங்கள். பின்னால் உதவும். டாட்டா, ரிலையன்ஸ் போன்ற பெரிய நிறுவனங்களும் உரிமம் வாங்கியுள்ளனர். இதோடு அந்த 122 தகுதி இல்லாத நிறுவனங்களையும் சேர்த்து கொள்ளுங்கள்.

நியாயக் கணக்கு:

இந்தியாவில் 60 கோடி மக்கள் கைபேசி சேவையை பயன்படுத்துவதாக உண்மை தகவல் உள்ளது. எல்லோருக்கும் தெரியும் என்று நினைக்கிறேன். ஒரு நபர் தனது கைபேசியை ஒரு நாளைக்கு சராசரியாக வெறும் 15 நிமிடங்கள் (LOCAL CALLS ONLY) பயன்படுத்துவதாக வைத்துக்கொள்வோம். ஒரு நிமிடத்திற்கு 40 பைசா கட்டணம்.

அப்போது 15x0.40 =6.0 ரூபாய் ஒரு கைபேசியின் மூலம் செலவாகிறது. 60 கோடி கைபேசிகள். 60x6.0 = 360 கோடிகள் ஒரு நாளைக்கு செலவாகிறது. ஒரு மாதத்திற்கு 30x360 = 10,800 கோடிகள். ஒரு வருடத்திற்கு 12x10,800 = 1,29,600 கோடிகள். 2008 இல் 2G ஏலம் விடப்பட்டது. இன்று வரை இரண்டு வருடங்கள் ஆகிறது. அப்போ து குறைந்தபட்ச வருமானம் இன்றுவரை2,59,200 கோடிகள். இது ஒரு நாளைக்கு வெறும் 15 நிமிடங்கள் கைபேசியை பயன்படுத்தினால் இரண்டு வருடத்திற்கு கிடைத்திருக்கும் வருமானம்.

இதோடு SMS, MMS, STD, ISD, சேவை கட்டணம், இணைப்பு கட்டணம்.......இன்னும் என்ன என்னவோ கட்டணங்கள் உள்ளது என்று சொல்கிறார்கள் மற்றும் 15 நிமிடத்திற்கு அதிகமாக பயன்படுத்துவோரின் செலவையும் சேர்த்தால் எத்தனை கோடி கோடிகள் வருமானமாக கிடைக்கும் என்பதை நீங்களே கணக்கிட்டு கொள்ளுங்கள். என்னால் கணக்கிடவே முடியவில்லை. என்னிடம் உள்ள கால்குலேட்டர் மற்றும் கணினி காண்பிப்பது "INFINITIVE". நான் தற்போது இந்தியாவில் இல்லை. இருந்திருந்தால் அனைத்தையும் அலசி ஆராய்ந்து இதைவிட இன்னும் துல்லியமாக நடந்த ஊழலின் அளவை குறிப்பிட்டு இருப்பேன். இந்த வருமானம் அனைத்தும் அரசுக்கு கிடைத்திருக்க வேண்டும். அது மக்களை சென்று அடைந்து இருக்கவேண்டும். கிடைத்ததா?

மக்களை சென்றடைந்ததா? நிச்சயம் இல்லை என்றுதான் ஒவ்வொரு மக்களும் கூறவேண்டும். அப்படி என்றால் இந்த மக்கள் பணம் சட்டத்திற்கு புறம்பாக யாரிடமோ சென்று அடைந்துள்ளது. இந்த ஊழல் பணம் அடுத்த சில ஆண்டுகளில் தனது சொந்தநாட்டு மக்களையே தாக்கப்போகிறது. விலைவாசி உயரும். பொருளாதாரம் நாசாகும். "Above middle Class" மக்கள் நடுத்தர மக்களாகவும், நடுத்தர மக்கள் ஏழைகளாகவும், ஏழை மக்கள் மேலும் பரம ஏழைகளாகவும் மாறுவார்கள்.

ஜனநாயகம் வேரோடு அழியும். மனிதாபிமானம், மனிதநேயம் மண்ணோடு மண்ணாகும். ரௌடிசம்,குற்றசம்பவங்கள் தலைவிரித்து ஆடும். கடந்த ஐந்தாண்டுகளாக ஆயுள் கைதியாக உள்ள நடுநிலை பத்திரிகைகள் இனி மரண தண்டனை கைதிகளாக மாற்றப்பட்டு தூக்கில் போடப்படும்.

துரோகம்-1: உரிமம் வாங்கிய அனைத்து நிறுவனங்களும் சுமார் 13000 கோடிக்கும் அதிகம் பொறுமானம் உள்ள(உதாரணம் S .TEL நிறுவனம்13000 கோடிக்கு வாங்க முன்வந்தது) அலைகற்றைகள் உரிமத்தை அடிமாட்டு விலைக்கு அதாவது 1200 , 1300 ,1650 கோடிகளுக்கு திட்டமிட்டு விற்கப்பட்டுள்ளது. அரசுக்கு சேரவேண்டிய, மக்களுக்கு சேர வேண்டிய வருவாய் சில சுய நலவாதிகளை சென்றடைந்துள்ளது.

துரோகம்-2: பெரும்பாலான நிறுவனங்கள் தங்கள் உரிமத்தின் பங்குகளை வெளி நாட்டு நிறுவனங்களுக்கு விற்று கொள்ளை லாபம் பார்த்துள்ளனர். இதனால் அரசுக்கு அதாவது பல கோடி மக்களுக்கு கிடைக்க வேண்டிய அரசின் வருவாய் சில சுய நல தனி மனிதர்களை சென்று அடைந்துள்ளது.

துரோகம்-3: தகுதி இல்லாமல் உரிமம் வாங்கிய 122 நிறுவங்களில் பெரும்பாலான நிறுவனங்கள் இன்னும் சேவையை தொடங்கவில்லை. இதில் "swan, Unitech" போன்ற லெட்டர் பேட் நிறுவனங்களும் அடங்கும். இந்த நிறுவனகள் ஏன் இன்னும் சேவையை தொடங்கவில்லை என்று உள்ளூர ஆராய்ந்தால் மிக தெளிவாக புரியும். பெரிய நிறுவனங்கள் போட்டி இல்லாமல் தொலைதொடர்பு துறையில் கொள்ளை லாபம் பார்க்க அதாவது கட்டணம் என்ற பெயரில் மக்களின் உழைப்பை சுரண்ட பெரும்பாலான தகுதி இல்லாத பினாமி லெட்டர் பேட் நிறுவனங்கள் இன்னும் சேவையை தொடங்கவில்லை.

இவைகள் சேவையை தொடங்கி இருந்தால் சந்தையில் போட்டி அதிகமாகி கைபேசியில் பேசும் கட்டணம் இப்போது இருப்பதை விட மேலும் குறைந்திருக்கும். ஒரு வேளை இதற்காகத்தான் திட்டமிட்டு "S.TEL போன்ற போட்டி நிறுவனங்களுக்கு உரிமம் வழங்கவில்லை என்ற சந்தேகம் தெளிவாக எழுகிறது.

துரோகம்-4: MTNL BSNL போன்ற அரசு நிறுவனங்களுக்கு அதிக அளவில் அலைகற்றைகளை ஒதுக்கி போதிய ஆப்பெரடர்களை நியமித்து இருந்தால் கைபேசியில் பேசும் கட்டணம் நிமிடத்திற்கு வெறும் ஒரு பைசாவுக்கு வந்திருக்கும். மக்கள் அரசினால் பயன் அடைந்து இருப்பார்கள்.
துரோகம்-5: தகுதி இல்லாமல் உரிமம் வாங்கிய லெட்டர் பேட் நிறுவனங்கள் தனது பங்குகளை பல வெளி நாட்டு நிறுவனங்களுக்கு விற்றுள்ளனர். அதில் பாகிஸ்தான் போன்ற நாடுகளும் அடங்கும். இந்தியாவின் தொலை தொடர்பு துறையை இந்த நாடுகளும் பயன்படுத்துகின்றனர். இது உள்நட்டு மக்களின் பாதுகாப்புக்கு மிக பெரிய அச்சுறுத்தல்.

துரோகம்-6: நீரா ராடியா தொலைபேசி உரையாடல்கள், CAG ,தொலைதொடர்பு சம்பந்தபட்ட, கைபற்றபட்ட ஆவணங்கள், சம்பந்தபட்ட பிரதமர் அலுவலக கடிதங்கள் புறகணிப்பு, சட்ட,நிதி துறை கடிதங்கள் புறகணிப்பு, TRAI பரிதுரைகள் புறகணிப்பு இப்படி கோடி கணக்கில் ஆதாரங்கள், சாட்சிகள். முதலில் வருபவருக்கே முன்னுரிமை என்று முந்தைய ஆட்சியாளர்கள் வகுத்த அடிப்படை கொள்கை கூட பின்பற்றப்படவில்லை. அதிலும் முறைகேடு.

துரோகம்-7: இவ்வளவு குற்றங்கள் செய்தும் சம்பந்தபட்ட குற்றவாளிகள் செய்த தவறை ஒப்பு கொள்ளாமல் நாங்கள் தவறு செய்யவில்லை என்று மக்களிடம் பொய் பிரச்சாரம் செய்வது மக்களுக்கு இழைக்கப்பட்ட ஏழாவது துரோகம். இதன் உச்சகட்டம்தான் 2G யில் ஊழலும் இல்லை நஷ்டமும் இல்லை என்று மத்திய அமைச்சரின் பத்திரிகை பேட்டி. இந்த உலகத்திலே தான் மட்டும்தான் புத்திசாலி வக்கீல் மற்ற அனைவரும் அடி முட்டாள்கள் என்ற ஆணவ நினைப்பு.
துரோகம்-8: நடந்த அனைத்து தேச துரோகங்களும், குற்றங்களும் பொருளாதார மேதை பிரதமருக்கு தெரிந்தே கண்முன்னே நடந்துள்ளது. இருந்தும் பிரதமர் வாய் மூடி மௌனியாக இருப்பது மக்களுக்கு இழைக்கபடும் மகா மகா துரோகம்.

துரோகம்-9: ஸ்பெக்ட்ரம் விவகாரத்தில் முறைகேடாக பெறபட்ட பணங்கள் பெரும்பாலானவை இந்தியாவில் புழக்கத்தில் இல்லாமல் அந்நிய நாடுகளில்,வங்கிகளில் முதலீடு செய்யப்பட்டுள்ளதாக தகவல். இந்த பணம் அரசுக்கு வருவாயாக கிடைத்து இருந்தால் ஏராளமான அரசு கல்லூரிகள், பள்ளிகள், பாலங்கள், மருத்துவமனைகள், தொழிற்சாலைகள் என்று உருவாக்கி அனைவருக்கும் கல்வி,வேலைவாய்ப்பு, அடிப்படை வசதிகள் என்று ஏற்படுத்தி ஏழைகளே இல்லாத நாட்டை உருவாக்கி இருக்கலாம். இலவசங்கள் பெறாத மக்களை கண்டிருக்கலாம்.

துரோகம்-10: ஸ்பெக்ட்ரம் ஊழல் பணத்தை பயன்படுத்தி தலித் பற்றும் பிற இனத்தை சேர்ந்த ஏழை விவசாய மக்களிடம் மிரட்டி விளை நிலங்களை அடிமாட்டு விலைக்கு வாங்கப்பட்டதாக தகவல். இது மக்களுக்கு இழைக்கபட்ட துரோகம் பத்து. ஒரு முறைகேட்டை செய்து அதையே மூலதனமாக வைத்து இன்னொரு முறைகேடு செய்யப்பட்டுள்ளது. ஊழல் செய்வதினால் மக்களுக்கு இழைக்கபடும் துன்பங்களுக்கு இதை விட சிறந்த உதாரணம் வேறென்ன வேண்டும். நண்டு கொழுத்தால் வலையில் தங்காது. இதுதான் ஊழலின் விளைவுகள். இவர்கள் ரத்தம் குடிக்கும் கொசுக்கள் மாதிரி. நம்மிடம் உள்ள ரத்தத்தை உறிஞ்சுவதோடு மட்டும் இல்லை அதோடு சேர்த்து நோய் கிருமிகளையும் நமது ரத்தத்தில் விட்டு செல்கின்றனர்.

இப்படி 2G ஊழலில் மக்களுக்கு இழைக்கபட்ட துரோகங்கள் எண்ணில் அடங்காதது. இந்த ஊழலின் தாக்கம் இதோடு நிற்காது. மக்களைத்தான் சுத்தி சுத்தி அடிக்கும். எப்படி? ஊழல் பணத்தை வைத்து ஏழைகளின் நிலங்கள் அடிமாட்டு விலைக்கு வாங்கப்பட்டு அதை பிளாட் போட்டு அதே மக்களிடம் அதிக விலை வைத்து விற்கப்படுகிறது.

ஒரு ஏக்கரை குறைந்த விலைக்கு விற்ற மக்கள் அந்த பணத்தை வைத்து அதே இடத்தில் அதாவது முந்தைய சொந்த இடத்தில ஒரு கிரௌண்ட் நிலம் கூட வாங்க முடியவில்லை. இதுதான் ஊழலின் விளைவு. இப்போது புரிந்து இருக்கும் ஏழைகள் எப்படி உருவாகிறார்கள் என்று. இது மட்டும் இல்லை ஊழல் பணத்தை வைத்து அனைத்து இடங்களையும் வளைத்து போட்டு ரியல் எஸ்டேட் நடத்தும் அனைத்து அரசியல்வாதிகளும் இப்படி ஊழல் பணத்தில்தான் செய்கின்றனர்.

அவர்கள் சொல்வதுதான் விலை. விலைவாசி உயர்வது இயற்கை அல்ல. அனைத்தும் மிக மிக செயற்கையே. இயற்கை என்று ஆளும் கட்சியினர் கூறுவது தவறு. உண்மையை மூடி மறைக்கும் செயல். இது ரியல் எஸ்டேட் மட்டும் இல்லை. அனைத்து பொருள்களுக்கும் பொருந்தும். குறைந்த விகிதத்தில் உள்ள பணக்காரர்கள் மேலும் பணக்காரர்கள் ஆவார்கள். அதிக விகித்தில் உள்ள நடுத்தர மக்கள், ஏழைகள் மேலும் ஏழைகளாக ஆவார்கள். இந்த ஏழை, பணக்காரன் இடை வெளியை குறைக்கத்தான் அரசாங்கம் ஒன்றை மக்கள் தேர்ந்தெடுக்கிறார்கள்.

இன்று ஆளும் வர்க்கத்தினரே அதற்கு முழு முதல் காரணமாக திகழ்கிறார்கள். சொல்லபோனால் அரசின் கடமைகளை அரசியல்வாதிகளும் மறந்துவிட்டனர். இவர்களை தேர்ந்தெடுக்கும் மக்களும் தங்கள் கடமைகளை மறந்து இலவசத்துக்கு பின் செல்கின்றனர். இலவசம் வாங்கும் மக்களே ஒன்றை நன்றாக தெரிந்து கொள்ளுங்கள்.

உங்கள் உழைப்பு என்னும் மூலதனத்தை மறந்து இலவசம் வாங்குவதால் எத்தனை தலைமுறைகள் கடந்தாலும் நீங்கள் ஏழைகளாகத்தான் இருக்க முடியும். உங்கள் வாழ்கை தரமும் உயரபோவதில்லை. இலவசம் கொடுக்க தேவையான வரிபணத்தை செலுத்தும் உழைக்கும் மக்களின் வாழ்கை தரமும் உயரபோவதில்லை. இது நிச்சயம். மாற்றம் ஒன்றே மாறாதது. இலவசம் மாறவில்லை என்றால் உங்கள் வாழ்கை தரமும் மாறபோவதில்லை.

எனது நோக்கமே இந்த 2G உலக மகா ஊழலால் மக்கள் எவ்வாறு வஞ்சிக்கபட்டார்கள் என்பதை ஒவ்வொரு இந்திய குடிமகனும் பத்திரிகை நிறுவனங்களில் பணிபுரியும் நண்பர்கள் உள்பட அனைவரும் தெரிந்து கொள்ளவேண்டும் என்பதுதான். எனவே தெரிந்துகொள்ளுங்கள், புரிந்துகொள்ளுங்கள். ஒவ்வொரு ஏழை மக்களுக்கும் தெரியபடுத்துங்கள். ரோட்டில் இறங்கிதான் போராடவேண்டும் என்று இல்லை.கொடி பிடிக்க அவசியமும் இல்லை. e -mail, FAX , Facebook , orkut என்று எவ்வளவோ தொழில் நுட்ப வசதி உள்ளது. தங்களுக்கு உகந்த ஏதேனும் ஒன்றை தேர்வு செய்து தங்களின் அன்றாட வேலைகள் பாதிக்காத வகையில் சுலபமாக இதை செய்யமுடியும். செய்வீர்கள் என்று நினைக்கிறேன்.

#tnfisherman

2011-02-07T00:08:00.000+05:30

கடந்த வாரம் twitter ல் மீனவர்களுக்கு ஆதரவான இணைய சுனாமி #tnfisherman தலைப்பை ஐந்து நாளாக இந்திய Trend ல் முதலிடங்களில் நிறுத்தியது.

சுஷ்மா ஸ்வராஜ் இந்திய வெளியுறவு துறையிடம் #tnfisherman பற்றி பேச போவதாக டீவிட்டியுள்ளது பெரும் மகிழ்ச்சி.

டீவிட்டாலர்களின் சில காரமான டீவிட்டுகள் மீள் ப்ளாக்கிடல்.

குறிஞ்சி - மலையும் மலை சார்ந்த இடமும். முல்லை - காடும் காடுசார்ந்த இடமும்,நெய்தல் - துப்பாக்கியும் துப்பாக்கி சார்ந்த இடமும் #tnfisherman

Manmohan, I know its difficult to count spectrum money. But cant you count the number of dead #tnfisherman ?

ஆந்திர மாணவனுக்கு அமெரிக்காவில் காலில் பட்டை. மனிதாபிமானமற்ற செயல் என்று கொதிக்கிறார் எஸ்.எம்.கிருஷ்ணா. #tnfisherman

மீனவர்களுக்காக இந்த வயதிலும் டெல்லிக்கு ஓடி உழைக்கும் தமிழக முதல்வர் கலைஞர்...#TNfisherman

நல்ல பிரதமர், நல்ல முதல்வர்!...மீனவர்கள் தாக்கப்படுவது குறித்து, பிரதமருக்கு தெளிவாக தெரியவில்லை-கருணாநிதி...#TNfisherman

Solution: Take back Katchatheevu... create undisputed IMBL with SL..to benefit both side fishermen #tnfisherman

கபடி ஆடுபவனிடம் எப்படி செஸ் ஆடுவது? #tnfisherman

ராசா கைதாமே? #tnfisherman மாதிரி இதுக்கும் கடிதமா? இல்ல தந்தியா? இல்ல நேரில போவீங்களா?

இன்றைய கேள்வி

2011-01-15T12:03:00.001+05:30

நம்ம எல்லோருக்கும் தெரியும் தாஜ் மஹால் "காதலின் சின்னம் , அடையாளம் எல்லாம் என்று "

மிக அரிதாக எல்லோருக்கும் தெரிந்த விஷயம் .

ஷாஜஹானோட ஏழாவது மனைவியிலே நாலாவது மனைவி மும்தாஜ்

மும்தாஜோட கணவரை கொன்று ஷாஜஹான் மும்தாஜை மறுமணம் செய்தார்

மும்தாஜ் 14 வது மகப்பேற்றின் இறந்தார். அதன் பிறகு மும்தாஜின் தங்கையை மறுமணம் செய்தார்.

இதுலே "காதல், கத்திரிக்காய்" எல்லாம் எங்கே இருந்து வந்தது ?

-------------------------------0------------------------------

என்ன கொடுமை சார் இது !

தமிழ்நாட்டை கலைஞர் நாடு என பெயர் மாற்றலாம்: அமைச்சர் எ.வ. வேலு

சில கவிதை முயற்சிகள் !

2010-11-28T23:27:00.000+05:30

இயற்கை விண்ணை

தொடமுயன்றதன்

இறுதி முயற்சி

இமயமலை!

---------------------0-----------------------

ஆங்கிலம் கொன்ற

தமிழை உண்ணும்

கடைசி கிழவன்

வருடம் 2843 !

----------------0-----------------------

ATM மட்டும் விழித்திருக்கும்

நடுஇரவு,செல்வம் கொண்டவனின்

உறங்கா தூக்கம்!

-----------------0------------------------

செம்மொழியாள்

முத்தமிழாள்

கலப்படமொழியாள்!

----------------0--------------------------

ஒளித்து,மீண்டும்

கண்டுபிடித்து விளையாடுகிறது

இயற்கை நிலவை

அமாவாசை, பௌர்ணமியாய்!

--------------------------0------------------------

இடம்,பொருள்,நாடகம் !

2010-11-26T12:27:00.002+05:30

பூ சா கோ(PSG) பொறியியல் கல்லூரி நாட்களில், DRAMATIX கிளப் வழியாக தயார் செய்த முழு நீள நாடகம் மேடை ஏறுவதற்கு இரண்டு மணி நேரம் முன்பு, Climax "Voice Over Script" தயார்செய்ய வேண்டிய நண்பன் மருத்துவமனையில் படுத்துவிட்டான். பல இக்கட்டான நிகழ்வுகளுடன், இதுவும் சேர்ந்து கொள்ள பேனாவை எடுத்து,பல இடங்களில் கண்டதை, படித்ததை,சொந்த கற்பனையில் வெட்டி,ஒட்டி பத்து நிமிட Maggi "ஸ்கிர்ப்ட்" ரெடி செய்தேன்.

" கடைசி நாட்களில் வாழும் கல்லூரி வாலிபன் பிறருக்காக உயிரை துறந்து, சொர்க்கத்தில் இருந்து பேசுவதாக Voice over கொடுப்பது தான் இடம், பொருள் "

இனி,

இன்று நட்சத்திரங்களுக்கு மத்தியில் நின்று நான் வாழ்ந்த பூமியை காண்கிறேன்.

வறுமை தின்ற பிணங்களின் துர்நாற்றம் என் மூச்சை எட்டுகிறது. தீவிரவாதம் வெடித்த குண்டுகளின் சத்தங்களில்,என் தூக்கம் தொலைந்து துக்கம் பரவுகிறது.

என்ன செய்ய போகிறாய் என் பூலோக நண்பனே,

நான் எழுதி முடித்த மானிட பேரேட்டில் நீ அடுத்து எழுத போவது என்ன?

தேடிச் சோறு தினம் தின்று கிழப்பருவம் எய்தி பின் மாயும் வாழ்வையா?
அல்லது
என் போல் போராட்டம் நிறைந்த புதுவாழ்வையா ?

வாய்ப்புகள் வரட்டும் என முடங்கி கிடந்தால் சிலந்தியும் உன்னை சிறை பிடிக்கும். எழுந்து நடந்தால் எரிமலையும் வழி கொடுக்கும்.

அச்சம் தவிர், ஆத்மா ஞானத்துடன் உழை, பிறர் நலனுக்காக உன் வாழ்க்கையை தியாகம் செய் .
பின் படைக்கும் சரித்திரத்தோடு வா. காத்திருப்பேன் சொர்க்கத்தின் வாயிலில் உன்னை வரவேற்க என்றும் உன் நண்பனாக, என்றும் உன் நண்பனாக..!

-------------------------------------------------------

சுட்ட பழம் # 03

2010-10-28T01:00:00.000+05:30

சில நாட்களுக்கு முன் கணையாழியின் கடைசி பக்கத்தில் படித்தது.

அன்னை - தியாகத்தின் மறுபெயர், அன்பின் மறுவடிவம் மாமியார் ஆகும் வரை

அலுவலகம் - சில சமயம் வேலை செய்யும் இடம்

அம்பேத்கர் - ஹிந்துவாக தாழ்த்தப்பட்டு, பௌத்தராக உயர்த்தப்பட்டவர்

பகுத்தறிவு - நல்லதையும், கேட்டதையும் அலசிப்பார்த்து கெட்டதை செய்வது

அறங்காவலர் - இரும்புகடைக்காரர்

மகாத்மா காந்தி - ஊருக்கு ஒரு தெருவுக்கு பெயர் வைக்க இறந்தவர்

காமம் - நிசமான காதல்

குரங்கு - கடவுளின் முதல் முயற்சி ,அடுத்து அரசியல்வாதி

நல்ல அதிகாரி - லஞ்சத்தை சரி சமமாக பங்கு கொடுப்பவர்

ஆறறிவு - மனிதனுக்கு மட்டும் உள்ள முட்டாள்தனம்

---------------------------------------------------------------------------------

FTII எழுத கிளம்பிய பூதம் !

2010-10-27T01:40:00.003+05:30

இந்த வருடமும் FTII தேர்வு எழுதி,முடிவுகளும் வந்தாச்சு. வழக்கம் போல 'காய்' தான்.

பாலு மகேந்திரா,சஞ்சய் லீலா பன்சாலி, மகேஷ் பட், ராஜ் குமார் ஹிரானி என வியக்க வைக்கும் Alumni லிஸ்ட் முதன் முதலில் என்னை எழுத தூண்டியது. மொத்தம் 12 சீட். 2 வெளிநாட்டவருக்கு. மீதமுள்ள 10 சீட் திரைப்பட இயக்கம், நடிப்பு,ஒளிப்பதிவு என ஒவ்வொரு துறைக்கும்.இவ்வருடம் விழுந்து விழுந்து படிக்கவில்லை எனினும் எல்லாவற்றையும் மேய்ந்து விட்டு சென்றேன்.

சென்ற வருடம் North East இந்தியாவின் இடப்பெயர்களை கொடுத்து எதற்கு சிறப்பு என "கண்டுபிடி ராஜா" என்றார்கள். இந்த வருடம் வருடங்களை அடுக்கி இயற்பியல், வேதியியலில் நோபில் பரிசு யார் வென்றார்கள் என கேட்டு நகைத்தார்கள்.இலக்கியத்துக்கு கேட்டா ஒரு நியாயம் இருக்கு. இயற்பியலுக்கு illogical !

போன வருடம், சோமுவுக்கு, சோமுவோட அப்பா வயசுலே பாதி வயசு இருக்குறப்ப ராமு பொறந்தான். அப்போ அவன் பாட்டி வயசு அவன் தாத்தா வயச விட 10 வயசு கம்மினா ராமுவோட அம்மா வயசு என்ன ? என்றார்கள். இந்த முறை சோமு பரம்பரையின் வயது கண்டிபிடிக்கும் Aptitude கணிதம் பயின்று சென்றால், Aptitude பகுதியே எடுத்து விட்டார்கள். Question செட் செய்தவர்க்கே வெளிச்சம் !

விடை அளிக்கும் வசதி ஆங்கிலம் மற்றும் ஹிந்தி மொழிகளில் உள்ளது . 'படம் பார்த்து இரண்டு பக்கங்களுக்கு மிகாமல் கதை எழுதுக' பகுதியில் தமிழ் மட்டுமே தெரிந்த நம்ம "once upon a time ," வோடு நிற்க வேண்டியதாகிறது. UPSC Main தேர்வுகளில் உள்ளது போல் இந்திய ஆட்சி மொழிகளில் விடை அளிக்கும் வசதி கொண்டு வர வேண்டும். Partiality !

நாலே நாலு பகுதிகள் கொடுத்து , 4X25 = 100 என மதிப்பெண்களை பிரித்துள்ளனர். அடுத்த வருடம் 1X100 = 100 என கேள்வித்தாள் எடுப்பவர்கள் try பண்ணலாம் .

"இடம் பொருள் நபர்கள் " கொடுத்து அதற்கான திரைக்கதையை sketch board முறையில் வரைய வேண்டும் .படம் எடுக்க தெரிந்தவர்களுக்கு , படமும் வரைய தெரிய வேண்டும் என எதிர்பர்க்கிரர்கள் ! ஐயோ ராமா !

நான் FTII ல் சொதப்பினேன் என்பதை விட,unformatted pattern ஆல் FTII என் பொறுமையை சோதித்தது. இருந்தாலும் இந்த வேதாளத்தை,இந்த மனம் தளராத விக்கிரமாதித்தியன் அடுத்த வருடமும் பின் தொடருவான் .

வாழைப்பழ காமெடி Version 2.0

2010-10-20T02:13:00.000+05:30

back to கரகாட்டக்காரன்

" தம்பி,ரெண்டு வாழைப்பழம் வாங்கிகிட்டு வாப்பா " என்கிறார் கவுண்டமணி

படத்தில் சொல்லாமல் விட்டது இது. செந்தில் ஒன்னு,இன்னொன்னு என இரண்டு வாழைப்பழம் வாங்குகிறார்.

ஒன்னு என்கிற ஒரு வாழைப்பழத்தை சாப்பிட்டு விட்டு,இன்னொன்னு என்கிற ரெண்டாவது வாழைப்பழத்தை கவுண்டமணியிடம் கொடுக்கிறார்.

Back to கரகாட்டக்காரன்,

"தம்பி உன்கிட்டே என்ன சொன்னேன்?"

"வாழைப் பழம் வாங்க சொன்னீங்க"

"சரி..ஒன்னு இங்கே இருக்கு...இன்னொன்னு எங்கே?"

"இன்னொன்னு தாண்ணன் இது !"

..........

..........

இங்கே , நம்ம கவுண்டமணியோட கேள்விலே ஒரு பெரிய bug இருக்கு . மொத தடவ free ஆ விடலாம்.

Atleast , ரெண்டாவது தடவ சுதாரிச்சு " தம்பி , இன்னொன்னு இங்கே இருக்கு..ஒன்னு எங்கே? " என கேட்டு இருக்க வேண்டும் .

Poor கவுண்டமணி.

-----------------------------------------------------------------------------------------------------

ஒரு நாள் மழைக்கு Electronics கடை பக்கம் ஒதுங்கினான் அறிவாளி Half Boil .கடை வெளியே ஒரே கூட்டம். உள்ளே கிரிக்கெட் மேட்ச்.

ஜாகிர் கான் போட்ட பந்தோட Speed variance , டிவி லே வரைந்து கொண்டிருந்தார்கள்.

பக்கத்துலே இருந்தவன் " மச்சான்..பந்துலே ஸ்பீட் கண்டுப்பிடிக்கிற எந்திரம் எதனாச்சும் வச்சிருப்பாங்களா ?" என்றான்.

"இல்லே மச்சி..பந்துலே போய் எப்படி வைக்க முடியும் . அதுவே சின்னதா இருக்கு...பிட்ச்லே புதைச்சு வச்சிருப்பாங்க.." என்றான்.

"ரெண்டுமே இல்லே" என்றான் இடையில் அறிவாளி Half Boil ...

கிரிக்கெட் பிட்சோட நீளம் நமக்கு தெரியும் . மாறாதது .வீடியோ மூலமா பந்து எவ்ளோ நேரத்துலே பிட்ச கடந்தது என கணக்கிடலாம்.

so , வேகம் = தூரம் / காலம் = (22 yard / பந்து கடந்த நேரம் ) கணக்கிடலாம் என்று கூறி மழையில் நனைந்தே மறைந்தான் அறிவாளி Half Boil .

நாலு நல்ல(!) tweet கள்

2010-10-06T00:55:00.001+05:30

நம்ம tweet ஆனந்த விகடன்ல தான் வரலே. atleast நம்ம blogலேயாவது பதிவிடுவோம் . போன மாசம் முழுக்க மூச்ச புடிச்சு எழுதுன நாலு நல்ல(!) tweet கள்....

நல்ல வேளை எந்திரன் தேர்தல் வேளையில் வெளியாகவில்லை..தேர்தல் வாக்குறிதியாக இலவச எந்திரன் டிக்கெட் அறிவித்திருப்பார்கள்.

-------------------------------------------------------------------------------------------------------

இன்று விநாயகர் சதுர்த்தி. சிவ ராத்திரியும் இன்று கொண்டாட வேண்டும் #inheritance

--------------------------------------------------------------------------------------------------------

தம்பியுடையான் பழைய pant க்கு அஞ்சான் #புதுமொழி

--------------------------------------------------------------------------------------------------------

மில்லியன் டாலர் கேள்வி : எங்கே சுப்ரமணிய சுவாமி ?

--------------------------------------------------------------------------------------------------------

ஆயிரம் பொய் சொல்லி ஒரு project நடத்து #புதுமொழி

--------------------------------------------------------------------------------------------------------
professionalism என்றால் என்ன? என்றாள் HR . "உண்மையான முகத்தின் மேல் பல முகமூடிகளை மாட்டிக்கொள்வது " என்றான் அவன்.

--------------------------------------------------------------------------------------------------------

கிராமங்கள் முன்னேறி விட்டன! முன்பெல்லாம் 'மிலிடரிக்கு' போ என்பார்கள். இன்று 'வாத்தியாருக்கு' படி என்கிறார்கள்

--------------------------------------------------------------------------------------------------------

விஜயகாந்திடம் கறுப்புப் பணம்:முதல்வர் கண்டுபிடுப்பு - கறுப்பு MGR கிட்டே கறுப்பு பணம் இல்லாம வெள்ளை பணமா இருக்கும் #சின்ன புள்ள தனம்

---------------------------------------------------------------------------------------------------------

குரு பட 'மாதவன்' கேரக்டர் S.குருமூர்த்தியின் பாதிப்போ ? http://www.gurumurthy.net/

----------------------------------------------------------------------------------------------------------

வட இந்தியா தென் இந்தியாவிற்கு செய்யும் நன்மை யாதெனில் தென் இந்தியாவில் பான் போட்டு காறி உமிழ்தல்!

-----------------------------------------------------------------------------------------------------------

3 idiots 'மாதவன்' கேரக்டர் கல்யாண் வர்மா நிஜ வாழ்க்கையின் பிரதிபலிப்போ ? www.kalyanvarma.net

----------------------------------------------------------------------------------------------------------

KSRTC மற்றும் அன்பேசிவம்

2010-09-14T01:06:00.001+05:30

இந்தியாவிலே தனியார் பேருந்துக்கு சளைக்காமல் போட்டி போடும் ஒரே மாநில போக்குவரத்து கழகம் KSRTC(Karnataka SRTC).பராமரிப்பு, முன்பதிவு செய்யும் வசதி, எண்ணற்ற பேருந்து தடங்கள், இலாபகரமான வெற்றி சூத்திரம் அனைத்திலும் முன் மாதிரியாக திகழ்கிறது. தெற்க்கே திருவனந்தபுரம் தொடங்கி கிழக்கே சென்னை தொட்டு மேலே ஹைதராபாத் ,விஜயவாடா, கோவா, புனே மற்றும் மும்பை என அனைத்து முக்கிய நகரங்களுக்கும் பெங்களூரில் இருந்து தனியார் தரத்தில் செல்ல முடியம்.Semi sleeper யில் தொடங்கி AC வோல்வோ, full sleeper என பரந்து இன்று BENZ வகை பேருந்து வரை நிற்கிறது. இந்தியாவிலே BENZ வகை பேருந்து இயக்கம் ஒரே அரசு போக்குவரத்து கழகம். முன்பதிவு வசதி இன்று மொபைல் மூலம் செய்யும் அளவு அதி நவீனப்படுத்தப்பட்டுள்ளது. 520 லட்சம் சராசரியாக ஒரு நாள் வருமானம்.SETC யும் ஏன் மாற்றான் தோட்டத்து மல்லிகை மணம் வீசுகிறது என ஆராய வேண்டும் ?

--------------------0----------------------
"Entrepreneurship" ஐ விளக்கும் அழகான படம் வலையில் மேயும் போது கிடைத்தது.

                                               -------------------0----------------------

கமல் பற்றிய கடந்த வார பதிவு எங்கோ படித்தேன்.அதில் அன்பே சிவம், Planes Trains Motor cycles என்ற ஆங்கில படத்தின் copy என்று. Communalism , Capitalism இடையே பயணிக்கும் கமலின் அசாத்திய நடிப்பு,மதனின் கூர்மையான வசனம் கண்டிப்பாக வேறுபடுத்தும்.அன்பே சிவம் Planes Trains Motor cycles ஐ விட பலவிதங்களில் சிறந்தது.

                                               -----------------------0---------------------

வீட்டுலே இருந்து வேலை ஏன் செய்யணும்?

2010-09-12T10:54:00.000+05:30

“Entrepreneur” magazine லே வந்த இந்த சின்ன piece of information மொழிபெயர்க்கப்பட்டுள்ளது.

வீட்டுலே இருந்து வேலை செய்வதால் வரும் நன்மைகள்.

# 1. 9 மணிக்கு எழுந்திருக்கலாம் இல்லே 11 மணிக்கு கூட எழுந்திருக்கலாம்.இல்லே எழுந்திருக்காம படுக்கையிலிருந்தே வேலை பண்ணலாம்

# 2. பூமி வெப்பமடைவதை தடுக்கலாம் எப்படினா அலுவலகத்துக்கு கார் அல்லது மோட்டார் வண்டியில் போவதை தவிர்ப்பதால்....செம ஐடியா இல்லே ?!!?!

# 3. எந்த ஒரு கிரிக்கெட் போட்டியும் மிஸ் பண்ணாம பார்க்கலாம்.... வரம் !

# 4. இம்சை கொடுக்குற சக பணியாளர்களிடமிருந்து தப்பிக்கலாம்.ஆனா குழந்தைக இம்சை சகிச்சு தான் ஆகணும்.

# 5. மதியான சாப்பாடு unlimited சாப்பாடு. நேத்து மிச்சமான குளிர் சாதன பெட்டியில் வைத்த உணவு கூட உண்ணலாம் கவலை இல்லை !

# 6. ரஹ்மான் இசையை வீடு அதிர்ர மாதிரி வைச்சு கேட்கலாம். இல்லே இளையராஜா மெல்லிசைய வச்சு ஒரு குட்டி தூக்கம் போடலாம் .

# 7. சொந்தமா காபி வைக்கலாம் நிம்மதியா நாம விரும்புற மாதிரி. புதுசா கல்யாணம் பண்ணிக்க போறவங்களுக்கு ஒரு சிறந்த பயிற்சி

# 8. வேலை பண்ற desk ஐ சாப்பாட்டு டேபிளா மாத்திக்கலாம் இல்லே சாப்புடுற டேபிளே வேலை செய்யுற desk ஆ use பண்ணலாம்.

# 9. முழுக்கை சட்டை , காட்டன் பேன்ட் , ஷு எல்லாம் போடாம நிம்மதியா டவுசரோ,லுங்கியோ கட்டிக்கிட்டு வேலை பாக்கலாம்

# 10. முக்கியமானது என்னன்னா...பொண்டாட்டி ஏன் நேரத்துக்கு வரலன்னு கேள்வி மேல் கேட்கும் தொல்லையிலிருந்து தப்பிக்கலாம்.

சில நிமிட கதைகள்

2010-09-10T23:15:00.000+05:30

" என்ன இருந்தாலும் அப்பா செஞ்சது தப்பும்மா " என்றான் மைசூர்பாகை வாயில் வைத்துக் கொண்டே

" என்ன தப்பு?" என்றாள்

"அப்பா கூட பொறந்த தம்பி தானே கிணத்துக்கு பக்கத்துலே இருக்குற நிலத்தை விட்டுக்கொடுத்தா என்னவாயிறப் போறார்?" முதிர்ச்சியோடு முடித்த வார்த்தைகளை அடுத்த மைசூர்பாகை கொண்டு விழுங்கினான்.

" அது அவங்க அண்ணன் தம்பி பிரச்சனை..நீ எல்லா மைசூர்பாகையும் சாப்பிட்றாதே,உன் தங்கச்சிக்கு கொஞ்சம் வை " என்றாள்

"எனக்கு தான் மைசூர்பாகு பிடிக்கும்னு தெரியும்லே..அவ வந்துட்டா சொல்லு நான் சப்பிட்டுட்டேன்னு " என்றான் அழுத்தமாக !

-----------------0-------------------

சிறுத்தையின் வேகத்தோடு பலத்த கரகோஷத்துக்கிடையே விரைந்து கொண்டிருக்கிறார் தலைவர் என்கிறது ஒலி பெருக்கி

"தலைவணங்கா சிங்கம்", அஞ்சா நெஞ்சம்" போன்ற வாசகங்கள் வரவேற்கின்றன. மேடை ஏறி பட்டாடையை போர்த்தி கூட்டணி தலைவர் காலில் விழுகிறார்.

மீண்டும் "தலைவணங்கா சிங்கம்", அஞ்சா நெஞ்சம்" போன்ற வாசகங்கள் விண்ணை பிளக்கின்றன.

-----------------------0-----------------------------

ஹாலிவுட் பொழுதுகள்

2010-09-09T00:50:00.004+05:30

Michael Moore இயக்கிய Fahrenheit 9/11 முதன் முறையாக நேற்று தான் பார்த்தேன். கட்டாயம் பார்க்க வேண்டிய ஆவணப் படம். அமெரிக்காவை இந்தியாவுடனும்,ஈராக்கை ஈழத்துடனும்,'அல்லாஹ்' என கத்தும் மக்களை, 'ராமா' என கதறும் மக்களுடனும் ஒப்பிட்டு பார்க்க முடிவதை தடுக்க இயலவில்லை. Fahrenheit 9/11 போல் நேர் கொண்ட பார்வையுடன் வேண்டும் ஒரு ஈழ ஆவணப்படம் ஈழம்17 / 5 என ...

--------------------------0--------------------------------
சமிபத்தில் ரசித்த 'ட்வீட்'

அனாதைகள் கடவுளின் குழந்தைகள் என்றால், கடவுளுக்கும் தேவை குடும்பக் கட்டுப்பாடு

நன்றி : @connectvinoth

---------------------------0-------------------------------
The Bucket List ( 2007 ) மூன்றாவது முறையாக பார்த்தேன். புற்று நோயால் பாதிக்கப்பட்ட இருவர் தங்களுடைய Wish list ஐ இறப்பதற்கு முன் அனுபவிக்கின்றனர். The "Bucket List" எனும் ஒற்றைக்கரு ஜாக் நிகல்சன்,Morgan Freeman ஜாம்பவான்களின் மேல் பயணம் செய்கிறது. இன்னும் பல முறை பார்க்கலாம் கீழ் வரும் வசனங்களுக்காகவே !

மருத்துவமனையில் :
Thomas: What are you doing here?
Carter Chambers: Fighting for my life. You?

இறக்கப்போகும் நோயாளியிடம் :
Dr. Hollins: How are you doing?
Edward Cole: Dumb question.

புற்றுநோயால் ரத்த வாந்தி எடுக்கும் பொழுது :
Edward Cole: Somewhere, some lucky guy's having a heart attack.

You measure yourself by the people who measure themselves by you....

மேலும் பல: http://www.imdb.com/title/tt0825232/quotes

படம் முடியும் வேளையில் நாமும் நம்முடைய Bucket list எழுத போய் விடுகிறோம் !

சில கவிதைகள்

2010-09-08T12:19:00.003+05:30

முழுமைபெறா கோலமாக

நிரம்பியிருக்கிறது வானில்

விண்மீன்கள் !

     ------0------

ஆனந்தகூச்சலிடும் ரயில் வண்டி

காட்டியது பச்சை கொடி

நீயா?

    ------0------

பலமுறை பின்வாங்கி

வென்றது அலை,கரையை

சுனாமி தலைவன்

உதவியால் !

     ------0------

வாரப்பிரசவத்தில்

ஆனந்தம் செத்து

திங்கள் பிறக்கிறது !

    ------0------

உன்னையும் என்னையும்

அழவைத்து விட்டு சிரிக்கிறது

காதல் மனதுக்குள் !

    ------0------

உன் கூந்தலில் குடியிருக்க

சிறைபடுத்திக் கொள்கிறது

பூக்காரியிடம் மல்லிகை !

   ------0------

கால் போன பாதையில்

2010-09-05T22:28:00.001+05:30

நான் மகான் அல்ல பார்த்தேன். நண்பன் "ரேனுகுண்டாவில் பொல்லாதவன்" என்றான். நானும் அதை ஆமோதிக்கிறேன்.

                 ----------------------------0----------------------------
CMC மருத்துவமனைக்கு சென்றிருந்தேன்.X கதிர்கள் எடுக்கும் வரிசையில் வயதான பாட்டி நின்று கொண்டிருந்தார்."யாரும் கூட வரலையா" என்றேன். "நாலு புள்ளைங்க இருக்கானுங்க.எல்லாம் வேலைக்கு போயிட்டானுங்க" என்றாள் தழு தழுத்த குரலில். மிகக் கொடுமை முதுமையின் தனிமை.

                         -------------------------0-------------------------------
நூலாறு புத்தக விழா 2010 , வேலூருக்கு சென்றிருந்தேன். திரு.S ராமகிருஷ்ணன், மீரா கதிரவன், ஞான சம்பந்தன் போன்ற பிரபலங்களின் மாலை உரையும்,தமிழ் ஸ்டுடியோவின் குறும்படம் திரையிடலும் கண்காட்சிக்கு piggy back. பள்ளிச் சிறுவர்கள் அதிகம் காணப்பட்டனர்.பள்ளிச் சிறுவர்களை கிழக்கு பதிப்பகம், உயிர்மை பதிப்பகத்தில் எட்டி பார்க்க கூட அனுமதி மறுக்கப்பட்டது. ராஜசேகர ரெட்டி மரணம் , ராஜபக்சேயின் நரித்தனம் என நேற்று நிகழ்ந்த நிகழ்வு வரை புத்தகங்களாக எழுத்துரு பெற்றுள்ளன.மிகவும் எதிர்பாக்கப்பட்ட John Perkins ன் அமெரிக்க ஏகாதிப்பத்தியத்தின் ரகசிய வரலாறு தமிழில் மொழி பெயர்க்கப்பட்டுள்ளது.அடுத்து இதை  தான் படிக்க வேண்டும் !

              -------------------------------------0--------------------------------------------------

'TWEET'கள்

2010-09-01T01:21:00.000+05:30

பேருந்து பயண இடையிலும், வேலைக்கு இடையிலும் என பல இடைவெளிகளில் தோன்றிய மைக்ரோ blogging தான் இந்த tweet கள்...

தொடர்க :
http://twitter.com/Ramrakesh

tweet படித்து buzz எழுதி G chat முடித்து நான்கு தேனீர்அடித்து call செய்து, வாங்கி,code எழுதலாம் எனும்போது மணி 9.30 PM.இதுவல்லவோ வேலை!

பழைய மகாபலிபுரம் சாலை,ராகுல்காந்தி சாலையாக பெயர் மாறும் போதுதான் முடிக்கப்படுமோ என தோன்றுகிறது!

நண்பன் " tinto brass " படங்களை பார்க்க பரிந்துரைத்தான்!அந்த வகையறாக்களில் மனிதனின் கலை ரசனை அடடா !

இந்தியாவின் பொறுப்புள்ள பிரதமர் : கருணாநிதியின் கடிதங்களுக்கு சளைக்காமல் பதில் கடிதம் எழுதும் மன்மோகன் சிங் !

ஆஸ்கார் ! நோபல் !! சந்திராயன் !!! உலக சாம்பியன் !!!! சென்னை சூப்பர் கிங்ஸ்!!!!! ரூபாய் வடிவம் !!!!!! வணக்கம் தமிழகம் !

காமன்வெல்த் விளையாட்டுப் போட்டிகளுக்கு செலவிடுவதுவீண்; இந்த போட்டிகளுக்கு மழை இடையூறு விளைவித்து வருவது குறித்து மகிழ்ச்சியடைகிறேன்.அந்தப் போட்டிகள் வெற்றி பெறக் கூடாது, அப்படி வெற்றி பெற்றால் மிகவும் வேதனைப்படுவேன்'' - மணி சங்கர அய்யர்

கேட்டதில் பிடித்தது:இந்திய வரலாற்றிலே யாரிடமும் தோற்காத 4 அரசர்களில் மூவர் முன்னோர்கள்!ராஜராஜசோழன்..ராஜேந்திரசோழன்..மகேந்திர பல்லவர்!

ஒரு ராணி இருந்தாலும் கடைசி வரிசையை எட்டும் சிப்பாயின் உதவியுடன் ராஜா புதிய ராணியை மறுமணம் செய்கிறார்.முதல் ராணி ஆணாதிக்க 'சதுரங்கம்' என முணுமுணுப்பது கேட்கிறது.

வேண்டுமானால் வைத்து கொள்ளலாம் stand up காமெடி ஐ stand up kalmadi என்று !

உணவகத்தில் போலீஸ் கார மாமா " பில் வாங்கணுமா ? " என்றார். என்ன ஒரு கேள்வி இது?

நோயாளியை பார்த்தவுடன் ஒரு வர்த்தக ஒப்பந்தம் வெற்றி அடைந்தது போல கொண்டாடுகிறார்கள் இந்த மருத்துவமனையில்!

கேட்டதில் பிடித்தது : இந்தியாவில் மட்டுமே சிங்கம் , புலி , சிறுத்தை , யானை நான்கும் வாழ்கின்றன !

கல்மாடியும் லலித் மோடியும் சேர்ந்து OPL(Olympic premier League) ஆரம்பிக்கலாம் !

"I am from a village.I studied under a kerosene lamp till my 10th class...commuted to school by walking.
What are you trying to say Pranab thalaiva..We saw this kind of sentiment in Sivaji Films!

தயவு செய்து சினிமாவில் தலைவர்களைத் தேடும் வேலையை இனியும் செய்யாதீர்கள். காரணம் அதற்கான தகுதி இங்கே யாருக்கும் இல்லை! - டைரக்டர் அமீர்

கொலம்பஸ் பறவையின் வருகை கொண்டு கரையை கண்டுபிடித்து போல,IT மக்களின் முகத்தில் நிலவும் மகிழ்ச்சி கொண்டு இன்று வெள்ளி என கண்டுபிடித்தான்!

அலுவலும் அலுவலகம் சார்ந்த இடமும் என்னத் திணை ?

Business Commn னு காலையிலேயே போனா 'யார் மனசுலே யாரு' விளையாட சொல்றானுங்க! போகலைனா Appraisal, "Aappu"raisal ஆகிடும்னு மிரட்டுறாணுங்க!

ஐயோ...கொடுமைகள் !

2010-09-01T00:52:00.000+05:30

என்ன கொடுமை சார் இது # 6

சிம்பு பெயர் மாற்றம் :
"STR என்ற புதிய பெயர் MGR,NTR ன் தொடர்ச்சியாக இருக்கும்" - Simbu T Rajendar

என்ன கொடுமை சார் இது # 7

என் ஆசீர்வாதம் எப்போதும் ரஞ்சிதாவுக்கும் ரஞ்சிதா குடும்பத்தாருக்கும் உண்டு ! - சுவாமி நித்யானந்தா

என்ன கொடுமை சார் இது # 8

ஐடி நிறுவனங்களில் பணியாற்றுவோரின் நலனுக்காக இனி விடுமுறை நாட்களிலும் விவாகரத்து வழங்கப்படும் என நம் அரசு அறிவித்துள்ளது!

என்ன கொடுமை சார் இது # 9 :

திருவாரூர் கிராமங்களை பார்க்கும் போது லண்டன் கிராமங்களை பார்ப்பது போல் உள்ளது - கருணாநிதி

என்ன கொடுமை சார் இது # 10

திருவாரூரில் இருந்து திருட்டு ரயில் ஏறி வந்தவர் கருணாநிதி - ஜெயலலிதாவின் கும்மாங்குத்து..! பெங்களூரில் இருந்து தகர டப்பாவுடனும், கிழிந்த பாயோடும் சென்னைக்கு வந்தவர் ஜெயலலிதா. - பொன்முடியின் பதில் கும்மாங்குத்து..!

காமத்தின் பால்

2010-08-31T01:01:00.000+05:30

# நமக்காக இரவு எழுதிய

கவிதையில் நீ

வார்த்தையாகி அழகுபடுத்துகிறாய்!

# இரவுக்காக ஒத்திகை

பார்த்துக்கொண்டிருக்கிறது

கொடியில் காயும்

எனது சட்டையும் உனது புடவையும்

# திருமண துன்பங்களை

திரையிட்டு மறைக்கிறது

அவள் காமம்

# யாரும் அறியாமல் சேர்ந்த

இரவை வெளிச்சமாக்கிவிட்டான்

நம் பையன்

# உனக்கும் எனக்குமான

இடைவெளியை

காற்றும் பிரிக்க

விரும்பாமல் திரும்பி விடுகிறது !

குழந்தைகள் பிரவேசிக்காத இடம்

2010-08-26T10:35:00.001+05:30

குழந்தைகள் பிரவேசிக்காத இடமாக

மாலை நேர மைதானம்

காட்சியளிக்கிறது.

இரும்புக்கதவுகளிருந்து தப்பித்து

மைதான வாயிலை அடையும்போது

பெற்றோர்களால் பிடிபடுகிறார்கள்.

மைதானங்களை தாண்டி

மீண்டும் சிறப்பு பயிற்சிக்காக

பொதி சுமக்கப்படுகிறார்கள்.

எங்கள் அடுக்குமாடி குடியிருப்பில்

பிராணிகள் வளர்க்க அனுமதியில்லை

ஆனால் குழந்தைகளை பிராணிகளாக

வளர்க்க அனுமதியுண்டு.

ஏதோ நினைவுகள் கவிதைகள் ஆகுதே !

2010-08-25T00:17:00.000+05:30

# காற்று மீட்டும் இசைக்கு

நளினமாக ஆடுகிறது

திரியில் தீபம்

# ஒற்றனாக என்

பாதச்சுவடுகளை

துரத்துகிறது நிலா !

# கைதான பயமின்றி

சிரிக்கின்றன

நாரில் பூக்கள் !

# உடன் கட்டை ஏறி

நெற்றிப்பொட்டில் மாய்ந்தது

ஒரு ரூபாய் !

# குறையும் வார்த்தையின்

அளவு செல்போனில்

STD call !

# உன் கூந்தலின் மணத்தோடு

போட்டியிட முடியாமல்

வாடி விட்டன பூக்கள் !

பெர்முடா முக்கோணமும் அதன் முடிச்சுகளும்

2010-08-24T01:48:00.002+05:30

ஒரு கப்பலையோ, ஒரு விமானத்தையோ மாயமாக மறைய வைக்க முடியுமா ?

அ. முடியும்

ஆ. முடியாது

இ. தெரியாது

"அண்டா காக்குக்கும் அபு காக்குக்கும் மறைந்து விடு சீசேன்னு சொன்னா மறைந்து விடும் " சொல்ற அலிபாபா

"It is absolutely impossible " ன்னு அடிச்சு சொல்ற 23 ஆம் வம்சத்தில் வந்த 49 ஆம் புலிகேசி

"Inky..pinky..ponky..Father had a donkey....இ...அ...இல்லே...ஆ..."என சாய்ஸ்ஏ பாக்காம அதிஷ்ட மோதிரத்தை நம்பி ஆப்பு வாங்கும் குப்பன்

இனி உங்களுக்கான பக்கம் ஆரம்பம்.மூச்சு விடாமல் படியுங்கள்

" பெர்முடா முக்கோணமும் அதன் முடிச்சுகளும்"

F19 போர் விமானம். எந்த நாடு நல்லாயிருக்கோ அங்கே குண்டு போட்டு காலி பண்றதுக்குன்னு அமெரிக்ககாரன் கண்டுபிடிச்ச விமானம். இந்த விமானங்களை ஒட்டி, குண்டு போட்டு, குண்டு போட்டுக்கிட்டே ஒட்டி,வானத்துலே டைவ் அடிச்சு,பல டகாலக்கடி வேலையெல்லாம் செஞ்சவர் தான் டைய்லர். கேப்டன். இரண்டாம் உலகப்போர்ல F19 ஓட்டுன one man army . 2500 மணி நேரத்தை shift போட்டு ஓட்டுன ஆசாமி. இரண்டாம் உலகப்போருக்கு பின்னாடி என்ன பண்ணலாம்னு பாத்த அவரோட
சீனியர்ஸ் கத்துகுட்டிஎல்லாம் கேப்டனா மாத்துங்கன்னு சொல்லிட்டாங்க இந்த கேப்டன பாத்து.

இடம் : Ford Laudradale விமானதளம்

மத்தியானம் ரெண்டு மணி இருக்கும் . வானம் மப்பும் மந்தாரமும் இல்லாம தெளிவா இருந்துச்சு. சரி விடலாம் 'ஜூட்டு'ன்னு அஞ்சு F19 விமானம் நிறைய கத்துகுட்டிஎல்லாம் பொருக்கி எடுத்துட்டு விமானங்கள் புடை சூழ புறப்பட்டார்.

சுமார் ஒரு மணி நேரத்துக்கு அப்புறம்

"கேப்டன் டெய்லர் அண்ணாத்தே...! நான் F28 லிருந்து Ford பேசுறேன் . ..."

"என்னப்பா Ford ...பய புள்ளைக கரீக்டா ஒட்டுறானுங்களா ..?

" இல்லே அண்ணாத்தே !...பய புள்ளைக கத்துக்கிற ஆர்வத்துலே எங்கேயோ விட்டுட்டானுங்க !"

"யோவ்..முதல்லே compass அ பாரு ....! ஒன்னு வட்டமா north ..south துன்னு எழுதி இருக்கும்...அதே பாரு ...!

"அது வேல செய்ய மாட்டேங்கிது...நாங்க எங்கே இருக்கோம்னு தெரிலே..!..எங்கே போறதுனும் தெரிலே..!

"இருய்யா..நான் இங்கே பாக்குறேன்..!...ஆ...!

"....."

"இன்னைக்கு எவன் மூஞ்சிலே முழிச்சேன்னு தெரிலே .....இந்த compass உம் வேல செய்ய மாட்டேங்குது...!North poleலே பெர்மனென்ட்டா இருக்குதுய்யா இந்த சனியன்...! "

"கேப்டன் உங்க பக்கத்துலே எதாச்சும் தெரியுதா ?.."

"யோவ்...தீவு கூட்டமெல்லாம் Dot வெச்ச மாதிரி தெரியுதுய்யா...அங்கே?..."

"கேப்டன் நான் போற எடத்துலே...தண்ணி வெள்ளையா இருக்கு "

" வெள்ளையா இருக்கா?..நீ தண்ணி போட்டு இருக்கியா?"

"ஆமாம் ..சீ..சீ..இல்லே கேப்டன் ..இப்போ தண்ணி பச்சையா இருக்கு கேப்டன் "

"பச்சையாவா ? "

இதுக்கப்புறம் கேப்டன் பேசுனதோ...Ford பேசுனதோ Register ஆகலே...ரொம்ப நேரமாகியும் ஒருத்தனும் வரலியே..Contact டும் பண்ண முடியலே...போன Flight என்ன ஆச்சுன்னு தெரியலே...சரி என்ன ஆச்சுன்னு பாத்துட்டு வர போனாங்க..அந்த விமானமும் டைய்லர் போன எடத்துக்கே போச்சு !

இந்த முதல் F19 நிகழ்வு தான் உலகத்துக்கு "பெர்முடா முக்கோணத்தை " பயமுறுத்தி காமிச்சுது !

--- இன்னைக்கு தூங்குற time வந்துருச்சு. so..நாளைக்கு இன்னொரு முடிச்சை அவிழ்ப்போம்

தொகுப்பு : அறிவாளி Half Boil

ஒரு பின்னரவில்

2010-08-23T00:47:00.000+05:30

# அனுபவிக்க ஆசையிருந்தும்

    மனமில்லை நாளைய

    இயந்திர வாழ்க்கையின்

    வேலைப் பளு !

# நிராகரிப்பின் வலியை

   கேட்டுப்பார்

   இக்கடிதத்தில் இடம்

   பிடிக்காத வார்த்தைகளிடம்!

# 'புறப்பட்டுவிடக்கூடாது' என்பவனின்

   வேண்டுதலிலும்

   'இன்னும் புறப்படவில்லையே' என்பவனின்

   கோபத்திலும்

   குழம்பி நிற்கிறது தொடர் வண்டி !

உயிர் பெறும் எனது வார்த்தைகள்

2010-08-21T01:40:00.001+05:30

உன்னைக் கண்டதும்

உயிர் பெறுகின்றன

எனது வார்த்தைகள்

வணக்கம் செலுத்துவதிலும்

விடை பெறுதலிலும்

மௌனமாக சிரிக்கின்றன

பல மணி நேர உரையாடலில்

சலனமின்றி நினைவுகளில்

தொலைந்து போகின்றன

பின்னொரு மழை நாளில்

நீயும் நானும் ஒதுங்கிய போது

வெடிக்கின்றன காதலாக

எனது வார்த்தைகள்.

புத்தன்

2010-08-19T21:24:00.003+05:30

சற்று முன் தான் மழை நின்று போய் இருந்தது.நீண்ட

பாதையில் நிலை தடுமாறி நடந்து கொண்டிருக்கிறேன்.வெளியை விட்டு கருமேகங்கள் இன்னும் விலகவில்லை. என்னை உட்புகா விடும் அவள் கருமனம் ஒருநாள் விலகும் என வார்த்தைகள் பேசிக்கொள்கின்றன.வளைவான பாதை என் நடையை திருப்புகிறது.நொண்டி சமாதானத்தை ஒடுக்கி அமரும் ஏமாற்றம் என் மனதை லுக்குகிறது.வெறுமையை ஏற்படுத்துகிறது.கண்களில் வழியும் துக்கத்தை மரத்தில் தங்கிய துளிகளும் பங்குபோட்டு

கொள்கின்றன.கன்னியால் நீரை துடைக்கும் முயற்சியில் அவளது உணர்வுகளும் பரவி ஒட்டிக்கொள்கின்றன.புத்துணர்வு தேடி ஒரு டீக்கடை வாசலில் நிற்கின்றேன்.

ஆட்கள் அதிகம் இல்லாத வீதியில் உறுப்பினர்கள் குறையாத டீக்கடை,சட்டமன்ற மழைக்கால கூட்டத்தொடர் அடுப்பின் அனலை தாண்டி வீசி கொண்டிருக்கிறது.ஆக்கிரமிக்கப்பட்ட அவள் நினைவுகளை சட்டமன்ற கோஷங்களும்,சட்டங்களும் ஒன்று செய்ய முடியவில்லை.வீச்சு அதிகரிக்கப்பட்ட பண்பலை ஒலிபரப்பின் பாடலாலும் என் நினைவலையோடு ஒத்ததிர்வை உண்டாக்க முடியவில்லை. அவளை சுற்றிய நினைவுகளில் கரிய அழுக்கு படிந்த தாடி தலை மயிருக்குள் புதைந்த முகம் குறுக்கிடுகிறது.

காதலை தேடி நடந்த பாதையில் முதல் முறை இந்த முகத்தை பார்க்கிறேன். உலகத்தின் ஒருபக்கம் வேதனை,ஏமாற்றத்தின் சுவடையும் மறுபக்கம் அதன் உருவங்களையும் அடக்கியுள்ளது. குப்பைதொட்டியை வாயிலாக கொண்டு,புளிய மரத்தை குடையாக கொண்டு வாழும் இவனை அதிர்ச்சியோடு பார்க்கிறேன். இவர்களை போன்றோரின் அடையாளங்கள் கேள்விக்குறியாகவே உள்ளன. பள்ளியில் படிக்கும் காலத்தில் கண்ணன் என்றொரு இதே போன்றொரு ஒரு உருவத்தை விளையாட்டு பொருளாக கொண்டு விளையாடினோம். உலகை பற்றிய நினைப்புகள் தூங்கிய நாட்களில் வெற்றி குறியாக கல்லை எரிந்து மறைந்து விடுவோம்.கண்ணனும் அன்று புரியாத வார்த்தைகளில் கத்தி அடங்குவான்.எங்கள் மனம் வெற்றி குதுகலம் காணும். களிப்பை உண்டாக்கிய மனம் இன்று கலக்கத்தை உண்டாக்குகிறது.

அவனது பசி தீர்க்கும் படியான கோரிக்கை கூட்டத்தில் பரிசீலிக்கப்படவில்லை.நாட்டை பற்றி கவலைப்படும் அவர்களது உணர்வு நடுரோட்டில் அலையும் அவனை கண்டு கொள்ளாதது முற்றிலும் முரண்பாடாயிருந்தது. கையை ஏந்திய என்னிடம்,பெரிய பர்சிலிருந்து சிறிய பன்னை வாங்கி அளிக்கும் அளவுக்கு மட்டுமே மனம் இருந்தது. அவன் உண்ணும் வேகம் அமிர்தத்தை அளித்ததாக உணர்ந்தேன். என்னை நோக்கி சிரித்தான். அவள் மொழியால்,விழியால் வெறுமையான மனம் இவனது சிரிப்பால் முழுமையாக்கப்பட்டது. மறைக்கப்பட வேண்டிய பாகங்கள் தெரிகையில் அருவருப்பும்,அதையும் மீறிய குற்ற உணர்ச்சியும் வெளிப்படுகிறது. குப்பை தொட்டியில் வீசி எறியப்பட்ட இலையின் ஈர்ப்பு அவனது கவனத்தை திருப்புகிறது. தேங்கிய நீரை மிதித்தோடும் அவனது வெறும் காலின் வேகமும் அதையும் மீறிய வேகத்துடன் ஓடும் நாயின் குரைப்பும் சட்ட மன்றத்துக்கு எட்டவில்லை.விரிக்கப்பட்ட இலையில் இவனுக்கும் தெருநாயிக்கும் சமபந்தி நடக்கிறது.

வழங்கப்பட்ட தேநீரின் சூடு மனதில் புண்ணாக வலிக்கிறது.வெளிநடப்பு செய்த ஒரு உறுப்பினரின் இடம் கண்ணில் பட்டது. "காதல் தோல்வி,வாலிபர் தற்கொலை" என கொட்டை எழுத்தில் பொறிக்கப்பட்ட செய்தித்தாளை விலக்கி அமர்கிறேன். குறுகிய பள்ளத்தில் தேங்கிய மழை நீரை போல பொன்,பெண்,பதவி என்றாடும் உலகத்துக்கிடையே எதிர்காலத்தை பற்றிய எந்த பாரமும் இல்லாத இவன் "புளிய மரத்து புத்தனாகவே" காட்சி அளிக்கிறான்.

எதிரும் புதிரும்

2010-08-18T23:56:00.002+05:30

ஏக்கத்தோடு வேலைக்கு
நிற்கிறான் படித்தவன்

கள்ள வோட்டோடு அரியணையில்
அமர்கிறான் படிக்காதவன்

காதலை விற்று குடும்பம்
சுமக்கிறான் வாலிபன்

டை அடித்து முத்தம்
கேட்கிறான் நடிகன்

நிலத்தை வாங்கி பணத்தை
வளர்க்கிறது அரசாங்கம்

பணத்தை வாங்கி கடனை
வளர்க்கிறது விவசாயம்

இதையெல்லாம் பேசினால்
"வாயை மூடுடா"
என்கிறது கலிகாலம் !

அவர் விருப்பம்

2010-08-18T01:25:00.005+05:30

"ஹலோ அப்பா எப்படி இருக்கே ?"

"நல்லாதான்பா இருக்கேன்...நீ நல்லா இருக்கியா?"

"நல்லா இருக்கேன்...அப்புறம் பேங்க்லே பத்தாயிரம் டெபொசிட் பண்ணி இருக்கேன்.
புது டிவி ஒன்னு வாங்கிக்க...நல்லா பொழுது போகும்.மூட்டு வலின்னு சொன்னே இல்லே
R V ஹாஸ்பிடலுக்கு போ...மகேஷ் பாத்துக்குவான்,அவன்கிட்டே எல்லாத்தையும் சொல்லியிருக்கேன்.நீயும் ஒன்னு விடாம சொல்லிரு...அப்புறம் அந்த கீதா ஹோட்டல்லே சாப்பிடாதே..காரம் நிறைய போடுவானுங்க. அப்புறம்
வேற எதனாச்சும் இருக்கப்பா ?" என்றான்

"ஆறு மாசமாச்சுப்பா பாத்து..பேத்திய கூட்டிகிட்டு வந்திட்டு போ,எல்லாரையும் பாக்கணும் போல இருக்கு" என்று அவர் விருப்பத்தைக் கேட்டார்.

நான்... நீ.....தமிழ் !!!

2010-08-17T11:09:00.002+05:30

காதலின் ஏக்கமும் பார்வையின் தாக்கமும்
மேலும் காய்ச்சலின் உஷ்ணத்தை
அதிகப்படுத்தி இருந்தன.

அன்றைய நாட்கள் நினைவுக்கு வருகின்றது!

எரிய மறந்த தெரு விளக்குகளும்
அமாவசை இருளுக்கு துணை நின்றது!

என்னைத் தொடரும் உன் நினைவுகளும்
உன்னை தொடரும் நானும் அந்த
தெருவில் !

பாதையின் இருளை உன் கருவிழிக்குள்
தொலைத்திருந்தேன்.

என்னை நெருங்கினாய் !

"தெருவிலே லைட் எரியலே இல்லே" என்றேன்
ஒரு மன்னனுக்கு உரித்தான தோரணையோடு

"ஆம்" என்று வார்த்தையின் அளவை சுருக்கி கொண்டாய்.

நான் அடுத்த வார்த்தைகளை தேடிக் கொண்டிருந்தேன்

நீ, "நலமா" என ஆரம்பித்தாய்

"நீ தான் சொல்ல வேண்டும்" என்றேன்

சிரித்தாய்! பின் "வருகிறேன்" என்றாய்

கூடவே விடைபெற்றுக் கொண்டன என்னை
பற்றியிருந்த காய்ச்சலும் !

தலைநகரில் பிரியாணி

2010-08-11T10:17:00.013+05:30

ஒரு வழியா இமயமலை மலைஏற்றத்தை முடிச்சாச்சு.நாங்க இப்போ கசோல் என்கிற இடத்துல இருக்கோம்!சென்னை flight டில்லியில் ஏற இன்னும் ஒரு நாள் இருக்கு ! அந்த ஒரு நாளும் டில்லிய சுத்தி பாக்கணும். ராஷ்ட்ரபதி பவன்,செங்கோட்டை,மெட்ரோ ரயில் முக்கியமா கரீம் பிரியாணி இதெல்லாம் மிஸ் பண்ணக்கூடாது என திட்டம் ஓடி கொண்ருந்தது !

காலையிலே பத்து மணி இருக்கும் ! தனியார் பேருந்து ISBT (நம்ம ஊரு CMBT மாதிரி) யில் நின்றது.எங்களுக்கு ஹிந்தி தெரியாது! ஹிந்தி மட்டுமே பேசும் டெல்லி தெரியாது. ஆட்டோவாலாவிடம் நண்பன் (கஷ்டப்பட்டு டெல்லியில் கத்துகிட்ட வாலா (= காரன்) வார்த்தை !) அரை குறை hinglish யில் ரூம் வேண்டும் என்றான் . ஆட்டோ எங்கெங்கோ சென்றது.சில நேரங்களில் இறங்கி விடலாமா என்று தோணியது.திடீர் என்று நம்மூர் புதுப்பேட்டை போன்ற ஒரு இடத்தில்நுழைந்தது போன்றொரு உணர்வு! ஆமாம். நாங்க chandni chowk வந்துட்டோம்.

"சார் இந்த இடத்துலே பெஸ்ட் ரூம் இது தான் சார் என்றான்"

தலையில் அடிக்காத குறை !

ஒரே ஆறுதல்....கரீம் பிரியாணி கடை chandni chowk என்கிற பழைய டில்லியில் இருக்கு !

நண்பன் "law of attraction " என்றான் ! சிரித்தேன்!

பின்,அறை கண்டு,பணம் கட்டி,பெட்டி வைத்து,குளித்து முடித்து புறப்பட்டோம் கரீம் பிரியாணி கடைக்கு !முகலாய மன்னர்களுக்கு சமையல் செய்தவர் பரம்பையில் ஆரம்பிக்கப்பட்டது கரீம் பிரியாணி கடை.பிரியாணி மட்டும் இல்லாமல் சிக்கன் மற்றும் மட்டன் குழம்பு வகைகளுக்கு பேர் போனது !

1 / 2 தட்டு சிக்கன் பிரியாணி - 120 ரூ
1 / 2 தட்டு மட்டன் பிரியாணி - 95 ரூ

ரொட்டியால் வறண்ட நாவை பிரியாணி கொண்டு நிரப்பினோம் !

பல செய்தித்தாள் குறிப்புகளில் கரீம் பிரியாணி கடை !

கீழ் உள்ள முகவரியை அழுத்தவும்

http://www.karimhoteldelhi.com/press.html

கரீம் பிரியாணி அடைய :

chandni chowk மெட்ரோ தொடர் வண்டி நிலையம் - ஒரு ரிக்ஷா வாடகை எடுக்கவும்,15 ரூ ஆகும் - Jamma மசூதி அருகே கரீம் பிரியாணி

அந்த நாலு வரிகள் !

2010-08-09T23:59:00.003+05:30

நண்பன் திருமண வாழ்த்து அனுப்ப நாலு வரி கேட்டான். கணினி வாழ்க்கையில் காணமல் போன 'தமிழை' தூசு தட்டி ஒரு மணி நேரம் எழுதிய
அந்த நாலு வரிகள் ...

காதலே மந்திரமாய்

புன்'நகையை' அணிகலணாய்

அன்பு,அடக்கம்,பண்பே மூணு முடிச்சாய்

நானே நீயாய் நீயே நானாய்

ஆசிர்வாதங்களே மொய்யாய்

ஒரு மனமாகுக இத்திருமணம்!

"ட்வீட்"கள்

2010-07-24T02:55:00.003+05:30

# 1 . ஒன்றிலிருந்து எண்ணுவோமேயானால் "A" வை உபயோகிக்கும் முதல் எண் 1000 (Thous"A"nd !)

#2. 1,06,656 மணி நேர உழைப்பு,33 சர்வர்கள் 947 மடி கணினிகள்,721 பிரிண்டர்கள்,217
கேமராக்கள் மஹிந்திரா சத்யம்(Satyam) சார்பில் FIFA 2010 உலக கோப்பை கால்பந்துக்காக பயன்படுத்தப்பட்டது!

#3.Twitter காசு கொடுத்து பார்க்க சொன்னாலும் நான் பார்க்கும் account http://twitter.com/sreesanth36

#4. சிவாஜி விசிறி பேருந்து ஓட்டுனராக உள்ள பேருந்தில் பயணம் செய்வது முற்பிறவியில் செய்த பாவம் !

#5. People are so obsessed with religion because they are actually obsessed with death !

#6. ஏமி ஜாக்சன் - இயக்குனர் விஜய்யின் அற்புதமான கண்டுபிடிப்பு!

#7. நண்பன் "Onsite நைஜிரியா போகிறேன்" என்றான்! "போ நண்பா போ software துறையின் தண்ணி இல்லா காட்டுக்கு" என்றேன் !

http://twitter.com/Ramrakesh

வாராந்திர கொடுமைகள் # 1

2010-07-24T02:33:00.006+05:30

என்ன கொடுமை சார் இது # 1
கருணாநிதி என் அப்பா - சரத்குமார்
காமராஜரின் பையன் கருணாநிதி - கனிமொழி

என்ன கொடுமை சார் இது # 2

என்ன கொடுமை சார் இது # 3
பழைய ஓட்டை ஒடிசல் செம்பு பித்தளைக்கு பேரிச்சம்பழம்
என் மனசை உறிஞ்சி போனவளுக்கு ஆரஞ்சி நிறம் !
-- தமிழ் சினிமா பாடல்

என்ன கொடுமை சார் இது # 4
சாதாரண மக்களுக்கென "டெண்டுல்கர் ஓபஸ்" புத்தகம்,இதில் அவர் ரத்தத்துக்கு பதில் எச்சில் இருக்கும்.விலை வெறும் 11000 மட்டுமே !

என்ன கொடுமை சார் இது # 5
சிம்பு பெயர் மாற்றம் :
"STR என்ற புதிய பெயர் MGR,NTR ன் தொடர்ச்சியாக இருக்கும்" - Simbu T Rajendar

MERCEDES BENZ ல் போக ஆசையா ?!

2010-07-23T09:52:00.001+05:30

MERCEDES BENZ ல் போக ஆசையா? இனி அந்த கவலை இல்ல!
திருவனந்தபுரதிலிருந்து சென்னைக்கு பர்வீன் டிராவல்ஸ் புதிதாக பேருந்து சேவையை துவக்கி இருக்கிறது.பயண டிக்கெட் வெறும்(!) 900 மட்டுமே

இந்த பேருந்தோட ஸ்பெஷல் என்னன்னா இந்தியாவுலே முதல் முறையா அறிமுகம் ஆகிற
MERCEDES BENZ பேருந்து. விலை 92 லட்சம்!!! MERCEDES BENZ ரகத்தில் மலிவு விலைவண்டியாம்!
இனி நாமும் சொல்லிக்கலாம் பெருமையா MERCEDES BENZ வண்டிலே போயிட்டேன்னு!

சுட்ட பழம் # 02

2010-05-15T02:06:00.001+05:30

கடவுள் ஒரு சௌகரியம். வருந்தினால் புலம்ப, அஞ்சினால் அடைக்கலம் தேட, அனுதினம் ஒரு கட்டுப்பாட்டுக்கு உதவ...உலகம் தட்டை, ஆப்பிள் கடித்ததால்தான் மனிதன் பல்லாண்டுகளாகக் கஷ்டப்படுகிறான், நாளும் கோளும் எல்லாம் செய்யும், நாளை நன்றாய்ப் பிறப்பாய் அல்லது பிறக்க மாட்டாய்...இப்படியே சொல்லக்கற்றுக்கொண்டவை யாவுமே அந்தந்த காலத்தின் சௌகரியம்தான்...

சுட்ட பழம் # 01

2010-05-15T02:01:00.001+05:30

அவதார் படத்தில் வரும் பண்டோரா கிரகவாசிகள் தம் இடம் பற்றிக் குறிப்பிடும் போது "இது எங்க ஏரியா" என்று சொல்ல மாட்டார்கள், "இது எங்க வால்யூம்" என்று தான் சொல்வார்கள், ஏன்?

காரணம், அது 3-D :)

"எப்புடி இருந்த நான் இப்படி ஆயிட்டேன்" !!!

2009-06-10T00:59:00.000+05:30

"எப்புடி இருந்த நான் இப்படி ஆயிட்டேன்" இந்த விவேக் வசனம் இன்று யாருக்கு பொருத்தமாக இருக்கும் !?!

சத்யம் ஐ டி தொழிலாளி

மருத்துவர் ராமதாஸ் / லல்லு பிரசாத் யாதவ்

ஆஸ்திரேலிய கிரிக்கெட் அணி

நடிகர் விஷால்

கொல்கத்தா நைட் ரைடர்ஸ் உரிமையாளர் ஷாருக் கான்

சீக்கிரம் சந்திப்போம்

2008-10-20T22:39:00.000+05:30

"சீக்கிரம் சந்திப்போம்" வார்த்தையின்
இடைவெளி காலத்தை மென்று விழுங்கி
பெருத்து பூதாகரமாகி நிற்கிறது

ஒரு நாள் மடியும் வேளையில் மீண்டும்
கண்டு எடுக்கப்படுகிறது
பிரிவில் பிறந்த வார்த்தைகள்
பின் ஓடி ஒளிகிறது யாருக்கும் தெரியாமல்

ஒவ்வொரு பயணத்தின் விடைபெறுதலிலும்
பிரிவு கண்களிலிருந்து தொண்டை வரை
சறுக்கு மரம் ஆடுகிறது

ஒரு மழை நாளில் விடைபெருதலின் கை அசைவில்
பிறக்கிறது "சீக்கிரம் சந்திப்போம் "
குழந்தையாக !!!!

தசாவதாரம்

2008-07-31T23:08:00.000+05:30

தசாவதாரம் கொடுத்த பரபரப்பை குசேலன் முழுங்கி விட்டதாக தோன்றுகிறது... தசாவதாரம் பற்றி ஏகப்பட்ட பாராட்டும்,விமர்சனமும்,பாராட்டுடன் கூடிய விமர்சனமும் வந்த வண்ணம் உள்ளன. நான் இன்னும் படம் பார்க்க வில்லை.இது ஒரு தேச துரோகமாக கருதப் படுகிறது நண்பர்கள் மத்தியில். வலையில் பதிவு செய்ய பட வில்லையேல் இந்த ஜென்மத்து பாவமாக கருதப் படுகிறது. படத்தை பார்த்தா அல்லது படத்தை பற்றி ஏதாவது சொல்லியே ஆக வேண்டுமென்பதில் குழப்பம் உள்ளதா என்று தெரிய வில்லை. சிலரும் பலரும் " கமலுக்காக பர்க்கலாம்...Butterfly Effect கமல் தவிர வேற யாரும் சொல்ல முடியாது... படம் ஸுப்பர்..Second half லே எழுந்திருச்சி வந்துட்டேன்... Graphics நல்லாவே இல்லை... சுனாமி செம ரியல்.." என குழம்பி குழப்பி ...சர்ச்சைகளுக்கிடையே பிறந்த இந்த அவதாரத்தை மர்மயோகியின் தவம் கலைக்கும் முன்னே காண வேண்டும்!!!!

TAARE ZAMEEN PAR - பகிர்வுகள்

2008-04-17T01:20:00.000+05:30

படம் வெளி வந்து ரொம்ப நாளைக்கு அப்பறம் TAARE ZAMEEN PAR(H)படம் பார்க்கிற வாய்ப்பு கிடைத்தது. ஒரு குழந்தையின் உலகம் , இயந்திர உலகில் மதிப்பெண் , பெற்றோர் மற்றும் ஆசிரியருடன் போராடும் சிறுவனின் கதை , DYSLEXIA என்னும் disorderal அவதிப்பட்டு selfesteem இழந்த சிறுவன் கதை என மேலும் பல பரிணாமங்களை கொண்டுள்ளது .

இன்று , இந்திய திரை உலகில் குழந்தைகள் சார்ந்த பிரச்சனைகள் , உலகம் பெரும்பாலும் டூயட் பாடல்களிலும் , மசாலா வாடையிலும் காணாமல் போய் விடுகிறது . அப்படியே இதை மீறினாலும், குழந்தைகள் குழந்தைகளாக சித்தரிக்கப் படுவதில் பெரும் முரண்பாடு உள்ளது . குறிப்பாக , ஒரு குழந்தை பழி வாங்குவது , எதிரியுடன் சண்டை போடுவது… (துர்கா , தை பூசம் .. )

மணி ரத்னத்தின் அஞ்சலி மற்றும் சந்தோஷ சிவனின் மல்லி படங்கள் மட்டுமே தமிழில் நினைவுக்கு வருகிறது .

The Children of Heaven , The color of Paradise போன்ற இரானிய குழந்தைகள் படங்கள் ஏற்படுத்திய பாதிப்பை ஏற்படுத்தும் ஒரு இந்தியப் படம் , Taare Zameen Par.

யாரடி நீ மோகினி

2008-04-17T01:15:00.000+05:30

ஒரு படமும் பல அபத்தங்களும்!!!

1. காதலுக்கும் வருண பகவானுக்கும் ஏதாச்சும் connection இருக்கா? எப்போவெல்லாம் Hero heroine சந்திக்கிறாங்களோ அப்பல்லாம் இடி இடிக்குது.. இடிக்கு பயந்த நம்ம heroinum herova கட்டி புடிக்கிறாங்கோ !!!

2. தான் காதல் பண்ண பொண்ணை heroவுக்கு கல்யாணம் பண்ணி கொடுக்க USலே இருந்து ஒரு மாப்பிள்ளை வருவார்.(ஆனா இந்த படத்துலெ பல வாய்ப்புகள் இருந்தும் கதைக்கு ஒரு மாறுதல் தேவைங்கிறதுக்காக லோக்கல் லே இருந்து அந்த character வர்றார் ) அந்த ரோல (வழக்கம் போல) கார்த்திக் கச்சிதமா செஞ்சசிருக்கார்.

3. Interval மணி அடிக்கிறததுக்கு முன்னாடி correcta hero வோட அப்பாவுக்கு Heart attack வரும் …அது தெரிந்சதுக்கப்பொரம் heroine ஃபீல் பண்ணி கண்ணீர் விட்டு நம்மலே தியேட்டர் லே அழுவ விடுவாங்க.... (பின் குறிப்பு : அதுக்கு முன்னாடி heroவோட அப்பாவுக்கு ரெண்டு தடவை heart attack வந்து இருக்கும். )

4. டாக்‌டர் எல்லாம் கை விரிச்ச patient அ hero பக்கத்துலெ உக்காந்து பேசியே எழுந்திருக்க வச்சுருவாரு ..interval le போய் hero MBBS படிச்சிட்டு வந்திருப்பாரோ… ???

5. hero கிராமத்துக்கு போவார் ..அங்க எப்போதும் ஒரு கும்பல் heroine எப்ப தாவணி கட்டிக்கின்னு வராங்கன்ணு பாத்துக்கிட்டே இருக்கும் . அத தடுக்க ஒரு ஃபைட் போட( அதுக்கு முன்னாடி வரைக்கும் hero பயந்த சுபாவம் உள்ளவர்.. பாம்புக்கும் புடலங்காயுக்கும் வித்தியாசம் தெரியாம வளந்தவர் ) heroine oda தங்கச்சி hero மேல ஃபீல் பண்ண hero அட்வைஸ் பண்ண.. அப்பப்பா..

ஏதோ இவர் நல்ல Director போல… இல்லநா heroவோட தங்கச்சிய villan rape பண்ற மாதிரி scene , மூணு தடவை hero அடி வாங்கி அடிக்கிற scene எல்லாம் வச்சிருப்பார் .

அஞ்சாதே!!! பகிர்வுகள்

2008-02-23T02:44:00.000+05:30

அஞ்சாதே!!!

வெள்ளிக்கிழமை Firstshow படத்துக்கு போற மாதிரி ஒரு இனிமை எதுவும் கிடையாது. ஆனா அதே படம் ஒரு மொக்க படமா இருந்த அந்த கொடுமை இருக்கே அதே சொல்லி மாளாது . அந்த கொடுமை தான் கடந்த ரெண்டு மாசமா National Treasure,வாழ்த்துகள்,பீமா,இ நா அழகப்பன் போன்ற வஸ்துக்கல் மூலமா நடந்தது . கடைசியா பாத்த நல்ல படம் "எவனோ ஒருவன்" அப்பறம் இப்ப "அஞ்சாதே".

ஒரு வரிக்கததை : இரண்டு நண்பர்களின் பிணைப்பு பிரிவு அதை சுற்றி நிகழும் போராட்டம்

மிஷ்க்கின் அடுத்து கவனிக்கப்பட வேண்டிய இயக்குநர். Simple ஆன கதையை வைத்து மிகவும் தெளிவாக திரைக்கதையை பின்னுவத்தில் இவரை அடுத்து எதிர்பார்க்கலாம். காட்சியின் அளவையும் வசனத்தின் அளவையும் சரியாக பயன்படுத்துவதை கற்றறிந்த ஒரு சில தமிழ் இயக்குநர்களில் இவரும் ஒருவர்.காரை சுற்றி வட்டமடிக்கும் காமெரா.. climax நண்பன் உயிர் விடும் காட்சி,பாண்டியராஜன் அட்வைஸ் செய்யும் காட்சி என அடுக்கலாம். படத்தின் பலம் பின்னணி இசை .காட்சியின் வலுவான அழுத்ததையும் , ஒரு வித thrillerயும் தூக்கி செல்கிறது.ஆனால்,பின்னணி இசை பல ஹாலீவுட் படங்களில் கேட்ட உணர்வு தோன்றுகிறது

ஒளிப்பதிவு ..சில இடங்களின் இருளில் ஒளிப்பதிவை தேடினாலும் angle வைப்பதில் அசததுகிறார். எடிட்டிங் கூட சேர்ந்து கொண்டு கலக்குறதது.

படத்தில் எல்லோரும் இயல்பாகவே நடித்து உள்ளனர் ஹீரோவை தவிர..பல இடங்களில் ஓவர் acting செய்கிறார். ஒரு கை நண்பன்,பூக்கர கிழவி,பள்ளி சிறுமிகள் இவர்கள் சிறு இடங்களில் வந்தாலும் அழுத்தமாக படிகிறார்கள்.

ஒரு நீநீநீண்ட படம் பார்த்த உணர்வு மனத்தில் எழுகிறது. முக்கியமாக climax காட்சி.

அஞ்சாதே- அஞ்சாமல் பார்க்கலாம்..!!!

....நன்றி கெட்டவன்...

2007-11-07T00:53:00.000+05:30

This story reached the story selection panel for 1 min story competition and failed to make an appeareance in the ANANTHA VIKATAN,The Tamil weekly papers.

"நன்றிங்கிற வார்த்தைக்கு அர்த்தம் தெரியுமா உனக்கு ...
போன மாசம் அவன் பேரு ரவினு நெனைக்கிறேன் ...
உன்னை தேடி வந்து நறுக்குனு நாலு வார்த்தை கேட்டா னே
அந்த கேவலமான வார்த்தையெல்லாம் வெளியே சொன்னா
உன் இமேஜ் என்னாகும்?"......
"அப்பறம்,கவிதா ,என் மூலமா தானே அவளுக்கு லவ் சொன்னே ...
சொகுசா புதுசா ஒரு ஃப்ரண்டு கெடச்சவுடனே என்னை மறந்துட்டே ...
ம்ம்ம்..இத பாவமெல்லாம் சும்மா விடாதுடா" என பேட்டரி தீரும் வரை திட்டி தீர்த்து
உறங்கியது நோக்கியா 1100.

It is really INTERESTING !!!

2007-10-24T02:24:00.000+05:30

Regarding outsourcing business to India
In the run up to the US presidential elections in Mid 2004,Paronoia was created about American jobs lost to the Indian ITeS.With the US based employees,Democratic candidate John Kerry sold T shirts on e bay for $20 ago with the message"My job went to India and all I got was this lousy T shirt"
---Courtesy : BLIND MAN AND THE ELEPHANT by Rahman and Priya kurien

"Several decades ago, my parents told us to eat because the children in China and India are starving. Today, I tell my children to learn because the children in China and India are starving for their jobs."
---- on India's Rise in IT by Thomas Friedman 'Renowned' Journalist of "The Newyork Times"

மேலும் ஒரு கவிதை

2007-10-11T01:00:00.000+05:30

காற்று மீட்டும் இசைக்கு
நளீனமாக ஆடுகிறது
திரியில் தீபம்!!

நன்றி : ராம் தன்னுடைய கற்பனை என்ற புத்தகத்திலிருந்து..!!!

காதல் கல்யாணம் Vs Arranged Marriage எதில் Divorce அதிகம்...?

2007-10-11T00:52:00.001+05:30

ஆயிரம் பொருத்தம் பார்த்து அம்மி மிதிச்சு அருந்ததி பார்த்து முடிக்கும் Arranged marrageum

அம்மா அப்பா இல்லாம கோவில் லே நடக்கிற லவ் marriageum

Tolerance / விட்டு கொடுக்கும் பக்குவம் / புரிந்து கொள்ளுதல் என்னும் மூணு முடிச்சி இல்லையெனில் கண்டிப்பாக தாலி அறுந்து விழவே செய்யும் ... எதுவும் விதிவிலக்கல்ல!!!

'SOOPER' nose cut

2007-10-09T00:48:00.000+05:30

"My question to the state (Karnataka) government is what more a sportsperson needs to achieve in order to be recognised.If their answer is a world title,I have it.If it means winning an asian games gold medal,I have it.If it means winning the highest sports award in the country,I have that also"
---- After Indian Cricket Team overhyped in winning T20 World cup,World billiards and snooker champion PANKAJ ADVANI questioned to the Government.

கவிதை

2007-10-05T01:13:00.000+05:30

சமீபத்தில் ரசித்த வரிகள்:

காதல் பேசும் வார்த்தையெல்லாம் சப்த கூட்டில் அடங்காது!

நன்றி: வைரமுத்து

Untold Fact!!!

2007-10-04T23:22:00.000+05:30

50 years ago, USSR launched Sputnik, the world's first satellite. Soviet union big BEEP BEEP sound alarmed the western countries, especially US, famously described it the "TECHNOLOGICAL PEARL HARBOUR".It is hard to realize how the country of ferocious bears and backward farmers achieved over the Americans apart from their technological effort put forth by their scientist.
1. The soviet schools churned out 1.5 million graduates with the solid knowledge of mathematics every year compared to 1,00,000 students in US
2. Russia had 2.5 times more diploma holding engineers than Americans
3. Russian children's reading vocabulary was nearly 10,000 words; where as their peers in US had a command over 1800 words.